Jýyrda Qazaqstan jáne Reseı úkimeti Roskosmosqa jalǵa berilgen Baıqońyrdyń 25 myń gektaryn Qazaqstanǵa qaıtarý týraly kelisimge kelmek. Bul týraly "Qamshy" portaly Qyzylorda oblysy ákimshiliginiń baspasóz qyzmetine silteme jasaı otyryp habarlaıdy.
Osyǵan oraı, Qyzylorda oblysy ákimi Qyrymbek Kósherbaev "Baıqońyr" kompleksinde ornalasqan Reseıdiń Federaldy ǵarysh agenttiginiń basshysy Igor Komarovpen bolǵan kezdesýde málimdegen.
Kezedesý barysynda Tóretam jáne Aqaı aýyldaryn keńeıtý úshin Reseıdiń "Roskosmos" agenttigi jalǵa alyp otyrǵan Baıqońyrdyń 25 myń gektaryn Qazaqstanǵa qaıtarý, sonymen qatar, "Batys Qytaı - Batys Eýropa" magıstraliniń qurylysyn damytý joldary qarastyrylǵan.
Kósherbaev pen Komarov Qyzylorda oblysyndaǵy týrızmdi damytý, zymyran ushyrylatyn aımaqtaǵy tamashalý oryndarynyń qurylysyn bastaý, "Kraınıı" áýe jaıynyń jóndeý jumystaryn qolǵa alý, EXPO-2017 kezindegi shet elderden Qazaqstanǵa keletin týrıserge qolaıly jaǵdaı jasaý máselelerin sóz etilgen.
Sondaı-aq, basshylar "Baıqońyr" ǵarysh aılaǵynyń 60-jyldyǵy men Jeńs meıramynyń 70-jyldyǵyn atap ótý josparlaryn talqylaǵan. Ǵarysh aılaǵynyń 60-jyldyǵyna oraı, aımaqtaǵy JOO stýdentterimen jáne mektep oqýshylarymen "Baıqońyr" kosmodromy ardagerlerimen kezdesýler uıymdastyrý, merekelik sharalardyń josparlaryn qabyldanǵan.
Eske sala keteıik, Baıqońyr qalasy men "Baıqońyr" ǵarysh aılaǵy Reseı Federasıasyna 2050 jylǵa deıin jalǵa berilgen bolatyn.
Nurzat Toǵjan
