Mańǵystaý oblysynda vahtashylar mingen avtobýs aýa raıynyń qolaısyzdyǵyna baılanysty joldyń durys kórinbeýinen jáne qatty jeldiń áserinen aýdarylyp qaldy.

Bul týraly Mańǵystaý oblysy İİD-niń baspasóz ókili Azamat Sársenbaev Lada portalyna habarlady.

Jol-kólik oqıǵasy 29 naýryz kúni shamamen tańǵy saǵat 7 de respýblıkalyq Aqtaý-Jetibaı-Jańaózen tasjolynda bolǵan.

İİD-niń baspsóz hatshylyǵynyń málimetinshe vahtashylar mingen Daewoo-BH 117 avtobýsy qatty jeldiń áserinen sondaı-aq, joldyń durys kórinbeýi saldarynan joldyń oń jaq betine qaraı aýdarylǵan.

Avtobýs Aqtaýdan Jetibaıǵa qaraı baǵyt alǵan. Jol apatynan bir jolaýshy túrli dene jaraqattaryn alyp oblystyq aýrýhanaǵa jiberilgen. Sonymen birge taǵyda  úsh jolaýshy Jetibaı aýylynyń aýdandyq aýrýhanasyna júgingen.

Abyroı bolǵanda jolaýshylardyń alǵan jaraqaty ómirlerine eshqandaı qaýip tóndirmeıtinin Azamat Sársenbaev atap ótti.

Onyń aıtýynsha avtobýsta 24 adam bolǵan. Olardyń barlyǵy Jetibaı aýylyndaǵy vahtalyq jumysqa bet alǵan “Tehno-Treıdıng LTD” JSHS-niń jumysshylary eken.

Eske sala ketsek, Mańǵystaý oblysynda 29 men 30 naýryz aralyǵynda aýa raıynyń kúrt tómendeıtini aıtylǵan. Meterolgatrdyń aıtýynsha osy aralyqta oblys aýmaǵynda kúshti jel turyp, burqasyn bolmaq.