Ádilet mınıstrligi Qazaqstanda eń kóp kezdesetin famılıalardy jarıa etti. Mınıstrlik málimetine saı, elimizde Ahmetovterdiń sany kóp.
Ahmetovterdiń sany Qazaqstan boıynsha 73 627 adam. Ekinshi oryndy Omarov tegi ıelendi – 45 123 adam.
Úshinshi orynǵa Kım famılıasy turaqtady – 42 274 adam.
Jıi kezdesetin taǵy bir ata-tek – Ospanov (Ospanova). Olardyń sany elde 41 068 adamdy quraıdy.
Bestikti Ivanov famılıasy tuıyqtady – 39 296 adam.
Tizim boıynsha kelesi tekter aldyńǵy shepke shyqty: Álıev – 36 084 adam, Súleımenov – 33 940 adam, Ysqaqov – 31 988, Ábdirahmanov – 29 091, Ibragımov – 28 755, Qalıev – 28 219, Sadyqov – 27 810, Ybyraev – 26 531, Kýznesov – 25 990, Popov – 24 956, Smaǵulov – 24 005, Abdýllaev – 23 729, Isaev – 22 910, Sultanov – 22 808, Júsipov – 22 763, Ismaılov – 21 392, Nurǵalıev – 21 133, Kárimov – 20 575 adam.
Serik famılıasy 19 550 adamda, al, Lı men Soı sáıkesinshe 17 049 jáne 12 088 adamda kezdesedi.
Amangeldi tegin elimizde 15 125 adam alǵan. Bolat famılıasynda 11 234 azamat bar. Bondarenko – 10 648 adam. Marat tegin 10 417 qazaqstandyq, Serikbaı tegin 10 193, Murat tegin 10 006, al, Qusaıynov tegin 10 103 azamat alǵan.
