Qaznette «Qazaqıa 2015» baıqaýynyń irikteýi bastalady. Bul týraly atalǵan jobanyń uıymdastyrýshylardyń biri Rahat Jaqsybaı óziniń Facebook paraqshasynda jarıalady. «Qazaqıa 2015» bul – Qazaqstannyń segiz oblysy men qalasyn qamtıtyn blog-sapar. Shart boıynsha 14 kún ishinde on eki stansany shoıyn jolmen basyp ótetin baıqaý qatysýshylary ınternet resýrstarda (áleýmettik jeli) sapar barysynan joljazba jarıalaýy tıis. Basqasha aıtqanda, blog-sapar maqsaty – elimizdi jańa qyrynan tanytyp, qazaqtildi ınternet keńistikti sapaly mátindik, beıne, foto kontentpen tolyqtyrý. «Qazaqıa-2015» jobasynyń júlde qory – 1 000 000 teńge. Oǵan sapaly ınternet-kontent jasaı alatyn, áleýmettik jeli belsendileri qatysa alady. Baıqaý irikteý kezeńderin qosa alǵanda, 26 naýryz ben 24 sáýir aralyǵynda ótedi. Blog-sapardyń ózi 10 sáýir men 24 sáýir aralyǵyna josparlanǵan. Qatysýshylardyń eńbegi ınternettegi jazbasynyń tartymdylyq ındeksimen, qazylar alqasynyń baǵalaýymen anyqtalady. Baıqaýdyń irikteý sharttary men blog-sapar týraly aqparatty «Qazaqıa 2015» jobasynyń áleýmettik jelilerdegi resmı

tabýǵa bolady. Jobaǵa Altel 4 G GSM kompanıasy demeýshilik etýde.