Qostanaı oblysynda Qazaqstan Respýblıkasy Prezıdenttigine kandıdat Ábilǵazy Qusaıynovtyń aımaqtyq saılaýaldy shtaby jumysynyń tanystyrylymy ótti.
Búgin Qazaqstan Respýblıkasy Prezıdenttigine kandıdat Ábilǵazy Qusaıynovtyń Qostanaı oblysyndaǵy shtabynyń jumysy tanystyryldy.
Saılaý aldy nasıhat jumysynyń barysy týraly shtab jetekshisi Rústem Jolaman áńgimelep berdi: «Qostanaı oblysyndaǵy saılaýaldy shtabymyz óz jumysyn bastady, aqparattandyrý qyzmetimen aınalysatyn senimdi tulǵalar belgilendi.
Aldaǵy kúnderi nasıhat jumystaryn júrgizý josparlanyp otyr, kóptegen is-sharalar ótkiziletin bolady. Onyń ishinde stýdenttermen, kásiporyndardyń jumysshy ujymdarymen kedesýler uıymdastyrmaqpyz.
Ózge aımaqtarda da áriptesterimiz kandıdatymyzdyń saılaýaldy baǵdarlamasyn halyqqa jetkizýmen aınalysady.
Qostanaılyq shtabtaǵy keńsemiz jýrnalıser men baqylaýshylar úshin árkez ashyq, nasıhat jumysy týraly jáne basqa da qajetti aqparattardy osy jerden alýǵa bolady.
Ábilǵazy Qusaıynov óziniń saılaýaldy baǵdarlamasynyń negizgi baǵyttary týraly áńgimelep berdi.
«Meniń oıymsha, álemdik problemalar reıtıńinde ekologıa men ónerkásiptik qaýipsizdik máseleleri birinshi orynǵa shyǵýy kerek. Ekologıany jeke úıiń týraly ǵylym retinde túsinip, qabyldaý mańyzdy.
Biz ekologıalyq qaýipsiz damýǵa kóshý mindetterin adamzat damýymen qatar qarastyrýdy maqsat tutamyz.
Atap aıtqanda, ekonomıkany ekologıalyq taza, qorshaǵan ortaǵa zıany joq az shyǵyndy tehnologıalardyń kómegimen túrlendirý damýdyń basty negizine aınalýy tıis.
Jańa qurylysty bastarda, ónerkásiptik kásiporyndardy iske qosarda, kez kelgen sharýashylyqty júrgizý kezinde ekologıalyq máseleler eskerilip, biregeı tabıǵı landshafttardyń, flora men faýnanyń qaýipsizdigine kóńil bólinýi kerek.
Jaǵymdy ekologıalyq orta – adam densaýlyǵynyń kepili», - dedi kandıdat.
Búginde densaýlyq saqtaý salasyndaǵy álemdik sarapshylar qorshaǵan ortanyń lastanýy men tabıǵı resýrstar problemasyna baqylaý júrgizýmen aınalysyp jatyr. Jyl saıyn jaǵdaı nasharlap barady, eger adamzat tabıǵatqa degen qarym-qatynasyn ózgertpese, onyń sońy úlken apatqa, órkenıettiń quldyraýyna alyp kelýi múmkin.
Sarapshylardyń pikirine súıengen Á.Qusaıynovtyń aıtýynsha, ásirese, ǵalamshardyń 1/3 bóligi turatyn álemniń halqy asa kóp elderinde ekologıalyq jaǵdaı múlde múshkil. Aýanyń, sýdyń lastanýy, sapasyz azyq-túlik adamzatqa úlken qaýip tóndirip tur. Sarapshylardyń boljamynsha, 30-35 jyldan keıin lastanǵan aýa 3,6 mln adamnyń óliminiń basty sebebine aınalady, olardyń basym bóligi – joǵaryda atap ótken aımaqtardyń turǵyndary.
Taǵy bir eskeretin jaıt, qazirgi zamanǵy ekologıalyq qolaısyz orta adamnyń turmys-tirshiligine ǵana emes, jalpy ǵalamshardyń tabıǵı ekojúıesiniń qalypty jumysyna áser etip, sý resýrstarynyń, klımattyń ózgerýine alyp kelýde.
Bıosfera men jalpy Jer sharynyń taǵdyry adamzattyń budan arǵy ónerkásiptik qyzmetiniń ekologıalyq tıimdi ári rasıonaldy júrgizilýine tikeleı táýeldi. Ol úshin ekologıalyq mádenıet deńgeıin kóterý mańyzdy, ár adam ormandardyń, ózen-kólderdiń, janýarlar men ósimdik áleminiń qaýipsizdigine tıisti deńgeıde kóńil bólip, sý men qýat kózderiniń ysyrapshyldyǵyna jol bermeýi tıis.
Adamnyń bıosferaǵa yqpalynan ǵalamshardyń jylý rejımi ósip, radıoaktıvti aınala keńidi, Álem muhıttary lastanyp, jańartylmaıtyn shıkizat qory azaıdy. Tabıǵattyń ekologıalyq júıesi ózin-ózi tazartyp úlgermeı jatyr. Al adamzat órkenıetiniń qysymy tómender emes.
«Jahandyq ónerkásiptik jobalar tabıǵatqa úlken zıan keltirýde, sebebi olardyń jumysynda tabıǵatty qorǵaýǵa negizdelgen óńdeý ádisteri eskerilmeıdi.
Álemniń iri qalalaryna júrgizilgen geohımıalyq jáne epıdemıologıalyq taldaýlar negizinde anyqtalǵandaı, munyń bári jalpy aýrý-syrqaýdyń 30-70 paıyzyna, onkologıalyq aýrýlardyń 40 paıyzyna sebep bolyp otyr. Álemdik statısıkaǵa sáıkes, týa bitken densaýlyq aqaýlarynyń 17 paıyzy syrtqy hımıalyq faktorlardyń jaǵymsyz yqpalymen baılanysty.
Qoryta aıtqanda, tabıǵatty qorǵaý men ónerkásiptik qaýipsizdik máselesine úlken mańyz berilýi kerek», - dedi Á.Qusaıynov.
