Elimizde tuńǵysh ret uıymdastyrylyp otyrǵan «Qazaqıa 2015» blog-baıqaýyna irikteý kezeńi bastaldy.  Uıymdastyrýshylar osy joba arqyly Qazaqstandy jańa qyrynan tanytyp, qazaq tildi ınternet keńistikti memlekettik tildegi sapaly joljazba kontentpen tolyqtyrýdy kózdep otyr.

Baıqaý 26 naýryz ben 24 sáýir aralyǵynda ótedi.  Negizgi 14 kúndik sapar – 10 sáýir men 24 sáýir aralyǵyna josparlanǵan.

Úmitkerler alǵashqy kezeńde «Kóktemgi pozıtıv», «Ózińnen basta!», «Meniń jerim», «Ata-anama qurmet», «Otbasym – Otanym» sıaqty taqyryptarda eki postydan (jazba, foto, beıne) usynyp, alǵashqy kezeńnen ótýge tıis. Kelesi kezeńge iriktelgen azamattar aldaǵy ýaqytta jarıalanatyn sapar marshrýty boıynsha óz josparlaryn usynyp, baıqaýdyń ekinshi kezeńinen ótedi.

Negizgi kezeńge iriktelgen 10 bloger Qazaqstannyń segiz oblysy men qalasyn, 12 stansany temir jol boıymen basyp ótpek. Úzdik joljazbalar mıılıon teńgelik júlde qory úshin baq synaıdy.

Baıqaý sharttary men jańalyqtaryn jobanyń áleýmettik jelidegi resmı paraqshalarynan tabýǵa bolady.

Jobaǵa Altel 4 G GSM kompanıasy demeýshilik etýde.