Qazaqstan 2026 jyly fýtboldan álem chempıonatyn ótkizý úshin FIFA basshylyǵyna usynys joldaýy múmkin, dep habarlaıdy "Qamshy" portaly.

Bul týraly keshe  Qazaqstan fýtbol federasıasynyń Prezıdenti Erlan Qojaǵapanov málimdegen.

"Ondaı josparlardyń bar ekeni ras. Biz qazir osy máseleni jan-jaqty talqylap, analız jasaýdamyz. Bizdiń múmkindikterimizdi eskerer bolsaq, 2026 jyly fýtboldan álem chempıonatyn nege Qazaqstanda ótkizbeske? Bizde barlyq qolaılylyqtar qarastyrylǵan, ekonomıkamyz ósip keledi, elimiz damyp keledi... Biz qazir 2022 jyly Qysqy olımpıada oıyndaryn ótkizýdi josparlap otyrmyz. Sosyn baryp, 2026 jyly ÁCH ótkizý úshin talasatyn bolamyz",-deıdi E. Qojaǵapanov.

Fýtboldan Álem chempıonatyn Qazaqstanda ótkizý týraly 2014 jyly QFF eks-prezıdenti Ádilbek Jaqsybekov aıtqan bolatyn.

"2026 jyly Fýtboldan ÁCH Qazaqstanda ótýi múmkin. Chempıonat ótkizýge bizde barlyq jaǵdaılar qarastyrylǵan. Tipti, Eýropa chempıonatyn, Chempıondar lıgasy oıyndaryn nemese Eýropa lıgasy oıyndaryn ótkizý úshin usynystar joldaýymyz múmkin",-degen edi Jaqsybekov myrza.

Nurzat Toǵjan