Jaqynda Alataý aýdandyq sot tóraǵasy Talǵat Maqulov myrza ularalyq janjaldy qozdyrǵany úshin Tatána Shevsovoı-Valovaǵa qatysty  4 jylǵa bas bostandyǵynan aıyrý týraly sheshim shyǵardy. Bul týraly "Qamshy" portaly habarlaıdy. Tatána Shevsovoı-Valova  QR Qylmystyq kodeksiniń 164 baby boıynsha,(ulttar arasynda ultaralyq janjaldy qozdyrýshy) aıyp taǵylyp, 4 jylǵy bostandyǵynan aıyryp, onyń 3 jylyn shartty túrde synaq merzimi dep qarastyrý týraly úkim shyǵarǵan. Sondaı-aq, Tatána Shevsovoı-Valovaǵa  arnaıy memlekettik mekemelerge eskertpesten QR aýmaǵyn tastap ketýge, turaqty meken-jaıy men qyzmetin  aýystyrýǵa bolmaıtyny eskertilgen jáne sot prosesinde uzartqany úshin 48 500 teńge kóleminde aıyppul salǵan. QR Konstıtýsıasynda kórsetilgendeı aıyptalýshy, ultaralyq janjaldy týdyrýshy úkimdi apelásıaǵa berýge quqyly. Al Tatána Shevsovoı-Valova bolsa, ózine qatysty shyqqan úkimmen tolyqtaı kelispeıtinin aıtqan. Onyń aıtýynsha sot prosesinde onyń kináli ekenin aıǵaqtaıtyn dálelder tolyq keltirilmegen. Esterińizge sala ketsek, Tatána Shevsova-Valova QR eski Qylmystyq kodeksinde kórsetilgen 164 baby boıynsha, óziniń áleýmettik jelilerdegi paraqshalarynda ultaralyq arazdyqty týdyratyn jazbalar jarıalaǵany úshin aıyptalǵan bolatyn. Onyń jazbalaryna qatysty Qylmystyq is qozǵaýǵa bir top qazaqstandyq blogerlerdiń shaǵymy sebep bolǵan. Qazaqstandyq 11 bloger sot barysynda Tatánanyń endigi óshirip úlgergen sol jazbalarynyń sýretin ákelip kórsetken bolatyn. Nurzat Toǵjan