Bul týraly "Qamshy" portaly  BQO prokýratýrasynyń baspasóz qyzmetine silteme jasaı otyryp habarlaıdy.

- QR Eńbek kódeksi men memlekettik qyzmetkerlerdiń ar-namys kodeksinde kórsetilgen talaptardy buzǵan Bókeıorda aýdanyna qarasty Saryaljyn aýyldyq okrýginiń ákimi Qýandyq Rashqalıevke qatysty BQO Bókeıorda aýdandyq prokýrotýrasynyń úkimi shyqqan.

Úkimde kórsetilgendeı Rashqalıev myrza QR Eńbek jáne Ar-Namys kodeksterin belshesinen basyp, qyzmettik etıkany saqtamaǵany úshin qyzmetinen bosatylǵan.

Esterińizde bolsa, Rashqalıevtiń isi BQO Bókeıorda aýdandyq  tártiptik keńeske qaraýǵa jiberilgen bolatyn.

Tártiptik keńes usynǵan málimetterde 2015 jyly aqpan aıynda Rashqalıev myrza jumys ornyna ýdaı mas kúıinde kelip, qabyldaýǵa kelgen aýyl turǵynyn balaǵattap, etıkaǵa jat sózder aıtqan.

Artynsha jábirlenýshi áıel Rashqalıevtiń úsinen shaǵymdanyp,  ákim myrzadan 10 MRP kólemindegi usaq buzaqylyǵy úshin ótemaqy óndirilgen bolatyn.

Bókeıorda aýdany ákimi Nurlan Raqymjanovtyń aıtýynsha, Rashqalıev biraz ýaqyttan beri ishimdikke salynyp júrgen. Ol Aýdandyq tártiptik keńes onyń bul áreketterin eskere kele, Rashqalıevti kináli dep taýyp, ony qyzmetinen qýý týraly sheshim shyǵarǵan.

Nurzat Toǵjan