Almaty oblysynda polısıa qyzmetkeri óziniń áriptesin atyp óltirdi, - dep habarlaıdy "Qamshy" portaly.
Oqıǵa 29 naýryz kúni Almaty oblysy, Aalakól aýdany, Jaıpaq aýyldyq okrýginen 16 shaqyrym jerde bolǵan. Alaıda Almaty oblystyq İİB oqıǵany búgin jarıalap otyr.
Almaty oblsytyq İİB-nyń baspasóz qyzmetiniń málimetinshe AİİB basshysy ańshy qarýymen polısıa ınspektoryn abaısyzda oq atqan. Málimetterde ańshy myltyǵynan atylǵan oqtan ınspektor oqıǵa ornynda kóz jumǵan delingen.
Atalmysh oqıǵaǵa qatysty Qylmystyq is qozǵalyp, kúdikti retinde usyalǵan polısıa basshysy tergeý ızolátoryna qamalǵan. Sondaı-aq, máıit denesi sot-medısınalyq saraptamasyna jiberilgen.
Eske sala ketıik, bundaı oqıǵalar Qazaqstanda birinshi márte kezdesip otyrǵan joq.
2011 jyly Qaraǵandy oblysynda JPB bólimshesinde jol polısıasy travmatıkalyq qarýdy tapsyrý kezinde óziniń áriptesin jaralaǵan edi. Aýyr jaraqat alǵan azamat ásker gospıtelge jiberilgen bolatyn.
2013 jyly BQO, Oral qalasy, Jangaın kentiniń AİİB qyzmetkeri kezekti kezekshilik aýsymda qyzmettik tapanshany óziniń áriptesine ótkizý kezinde abaısyzda oq atylǵan edi. Keıin anyqtalǵandaı, oq polısıa qyzmetkeriniń sol aıaǵyn janaı ótken jáne polısıa qyzmetker tiri qalǵan edi.
2014 jyldyń naýryz aıynda dál osyndaı oqıǵa Taraz qalasynda oryn alǵan. Dál tómendegideı sújetpen, polısıa qyzmetkeri tabeldik tapanshany tapsyrý kezinde áriptesine oq atqan. Bul joly, kezekshilikti qabyldaýshy polısıa qyzmetkeri oqıǵa ornynda mert bolǵan edi.
Nurzat Toǵjan
