Astana qalasy, Esil aýdandyq №2-shi soty tóraǵasy Ubaıdolla Qoshanov myzra AREM-niń eks-tóraǵasy Murat Ospanovqa mıllıardttaǵan aıyppuldaryn óteý úshin alty aı merzim berdi, dep habarlaıdy "Qamshy" portaly.

26 naýryz kúni sot tóraǵasy Ubaıdolla Qoshanov myrza Murat Ospanovtyń qorǵaýshysy  kórsetken "aıyppuldy óteý merzimin alty aıǵa deıin uzartý" týraly ótinishin qanaǵattandyrǵan. Sot úkimi sheshim shyǵarylǵan  15 kúnniń ishinde zańdy kúshine enetin bolady.

Esterińizde bolsa, Qazaqstandaǵy antımonopolıalyq basqarmanyń burynǵy basshysyna qatysty mıllıard aıyppuldy óteýge mindettelgeni týraly sheshim 3 naýryz kúni kúshine engen bolatyn. Al 13 aqpan kúni paramen ustalǵan AREM-niń eks-basshysy Murat Ospanovqa 1 mıllıard 101 mıllıon 60 myń teńge kóleminde aıyppul kesilgen edi. QR Konstıtýsıasynda kórsetilshgendeı aıyptalýshy ózine qatysty kesilgen úkimgi kóńili tolmasa, qaıta qaraýǵa talap etýge quqyly bolǵan. Alaıda sot tóraǵasynyń málimetinshe, Ospanov óziniń bul múmkindigin qoldanbaǵan.

Ospanovqa taǵaıyndalǵan úkim boıynsha ol aıyppuldy 1 aı merziminde, ıaǵnı 3 aqpanǵa deıin óteýi tıis bolǵan.  QR jańa Qylmystyq kodeksinde kórsetilgendeı eger aıyptalýshy aıyppuldy tóleýden jaltaratyn bolsa, munyń aıaǵy bas bostandyǵynan aıyrýmen aıaqtalady delingen.

Eskerte keteıik, qyzmettik babyn asyra paıdalanyp, paramen ustalǵan Murat Ospanovtyń endigi jerde ómir boıyna memlekettik joǵary qyzmetter atqarýyna shekteý qoıylǵan. Sondaı-aq, Ospanovtyń barlyq dúnıe-múlikterin tárkileý týraly sheshim shyqqan.

Al Ospanovtyń isin qaraýshy sot tóraǵasy Erbol Rahımbekov QR Prezıdentinen Ospanovtyń barlyq memlekettik nagradalarynan aıyrýdy suraǵan.

Nurzat Toǵjan