Reseıdiń Ohotski teńizinde  keme apatqa ushyrap, 54 adam qaza tapty, dep habarlaıdy "Qamshy" portaly.

Resmı málimetterge súıensek, Reseıdiń Kamchatka jarty araly, Ohotski teńizinde balyq aýlaýshy traýler teńyzge batyp ketken. Kemede  barlyǵy 132 adam bolǵan. Olardyń 54-i qaza tapqan. Reseıdiń qutqarý qyzmeti keshe muzdy sý qursaýynda qalyp qoıǵan  63 adamdy aman alyp shyqqan. Keıbir derekterde, qaza bolǵandardyń kóbi, muzdy sýda úsip ólgen, dep kórsetilgen.

Interfaks taratqan málimetterde, apatqa ushyraǵan kemeden qutqarylǵandardyń kóbiniń denesin úsik shalǵan dep aıtylǵan. Qutqarylǵandardyń ishinde 10-nan astamy esine kelmegen, qazir olar reseıli aýrýhanalarǵa jatqyzylǵan.

Al kemeniń 15 ekıpaj múshesiniń denesi tabylmaǵan. RF TJM resmı málimdemesinde apatqa ushyraǵan kemede bolǵan barlyq azamattardyń deneleri izdestirý úshin barlyq kúsh jumyldyrylǵan delingen. Sondaı-aq, erikti turǵyndardan 25-ke jýyq balyq aýlaýshy kemeler kómekke kelgen. Qazir reseılik quzyrly komısıa keme apatynyń neden bolǵandyǵyn tekserýde.

Aldyn ala kórsetilgen málimetterde kórsetilgendeı, apatqa ushyraǵan kemede Latvıa, Ýkraına, Mánmar, Natýatý elderiniń azamattary bolǵan.

Nurzat Toǵjan