Búgin Qazaqstan men Ózbekstan shekarasynan zańsyz qarý alyp ótpek bolǵan eki azamat ustaldy, dep "Qamshy" portaly QR UQQ SHQ baspasóz qyzmetine silteme jasaı otyryp habarlaıdy.

UQQ málimdemesinde aıtylǵandaı, Qazaqstan men Ózbek  shekarasynda ornalasqan  "Qaqpaq" memlekettik shekara zastavasynyń qatardaǵy jaýyngeri shekaralyq aımaqty baqalaý barysynda kúdikti eki adamda baıqaǵan. "Qaqpaq" shekara zastavasynda kelimisshart boıynsha qyzmet etetin qatardaǵy daýyngerler Ý.Jumahov pen N.Ábdirashov dereý rasıa arqyly radıostansıaǵa habarlaǵan. Zastavanyń bastyǵy, kapıtan T.Jaqypov jetekshilik etken  "Dabyl" arnaıy jasaǵy kelgende, shekarany zańsyz basyp ótpek bolǵan kúdiktiler eki jaqqa qasha jónelgen. Arnaıy jasaq bireýin tez arada quryqtaǵynymen, ekinshisi qarýly shabýyl jasap, qarsylyq kórsetken. Sol kezde, zastavanyń aǵa serjanty N.Aıdarov óz ómirine qaýip tónip turǵanyna qaramastan, arnaıy ádister qoldaný arqyly  qaraqshyny zalalsyzdandyrǵan.

Keıin belgili bolǵandaı, ustalǵandardyń bireýi 30 jastaǵy  Qazaqstan azamaty bolsa, ekinshisi 35 jastaǵy Ózbekstan azamaty bolyp shyqqan jáne olar aǵaıyndylar ekeni anyqtalǵan.

Memlekettik shekarada qarýly shabýyl jasap, zańsyz qarý alyp ótpek bolǵandardy tergeý barysynda, olardyń Ózbekstan Respýblıkasynda zańsyz qarý saqtaǵany jáne urlyq jasaǵyny úshin isti bolǵandyqtary anyqtalǵan.

Atalmysh oqıǵaǵa qatysty  QR qylmystyq kódeksinde kórsetilgendeı, "QR Memlekettik shekarasynan zańsyz ótpek bolǵan jáne quzyrly organ qyzmetkerine qarsylyq tanytqany" úshin qylmystyq is qozǵalǵan.

Nurzat Toǵjan