Bul jan túrshigerlik oqıǵa Belarýsıanyń Brest oblysyna qarasty Lýnınsk aýdany Kojan-Gorodok aýylynda oryn alǵan. 59 jastaǵy er azamat  óziniń 83 jastaǵy qart sheshesin benzınmen órtep jibergen. Kórshileriniń aıtýynsha, resmı qujattarda uly jergilikti ákimshilikke áleýmettik qyzmetker retinde tirkelgen jáne óziniń qart sheshesin qaraýǵa jaýapty bolǵan.  Alaıda, shyn máninde bári  múlde basqasha edi. 83 jastaǵy keıýana ishimdikke salynǵan, jumyssyz ulynyń kútýshisi bolǵan edi, deıdi. Ol únemi keıýanaǵa qol jumsap, araqqa aqsha alyp ketip júrgen. Tipti, ishimdikke qatty masaıǵan kúnderi ózine-ózi qol jumsaýǵa árekettenetin. Bul birneshe márte qaıtalanǵanyp otyrǵan. Naýryzdyń 27-i kúni ol qaıtadan qart sheshesinen ishimdikke satyp alý úshin 50 berarýs rýbli (3,44 dollar) kóleminde aqsha talap etken. Al keıýana ulyna aqsha bermeıtinin aıtqanda, ashýlanǵan uly aýladaǵy qalbyrda turǵan benzındi sheshesiniń ústine quıyp, aıaýsyzdyqpen órtep jibergen. Órtke oranǵan qart jan ushyra daýystap, kórshilerin kómekke shaqyrǵan kúıde bar pármenimen kóshege qaraı umtylǵan. Al araqqa sylqıa toıyp alǵan uly aýladaǵy saraıǵa kirip, tyǵylyp qalǵan. Muny kórgen kórshileri órtti sóndirip, jedel-járdem men mılısıa shaqyrǵan. Jedel-járdem men mılısıa kelgende qart esin tolyq bilgen jáne barlyǵyn ózi aıtyp bergen. Jedel áreketke kirisken mılısıa qyzmetkerleri qanypezerdi tutqyndamaq bolyp, saraıdyń esigin buzyp kirgende, uly arqan-jipke asylyp qalǵanyn kóredi. Al qazirgi tańda jábir kórgen zeınetker Lýnınski aýdandyq aýrýanasynyǵ jan saqtaý bóliminde jatyr. Jasy 84-ke keletin qart ananyń denesiniń 50, paıyzyn kúıik shalǵan. Nurzat Toǵjan