«Almaty qalasynyń Tótenshe jaǵdaılar departamentiniń kezekshilik nómirine 19 qazan kúni túngi saǵat 22-13-ter shamasynda Medeý aýdanynyń Elebekov kóshesiniń boıynda ornalasqan 4 qabatty ǵımarattyń 2-shi qabatynan órt shyqqandyǵy týraly habar tústi. Órt sóndirýshilerdiń alǵashqy toby oqıǵa ornyna 8 mınýttan soń, saǵat 22-21-de jetti», – dep habarlady Almaty qalasynyń Tótenshe jaǵdaılar departamentiniń resmı ókili Sandýǵash Baımuhanbetova.

Órt sóndirýshiler oqıǵa ornyna jetkenshe «Parasat» qonaq úıiniń 1-shi qabatynan qoıý tútin shyqqany, al 2-shi qabatynan jalyn baıqalǵan.

«Málim bolǵanyndaı, 4 qabatty qonaq úıdiń 2-shi qabatynda eki nómir men dáliz órtengeni belgili boldy», – dep qosty resmı ókil.

Tótenshe jaǵdaılar qyzmetkerleriniń kúshimen órttiń ózge bólmelerge enýine tosqaýyl qoıyldy. Órt saǵat 22-34-te aýyzdyqtaldy, al 00-11-de tolyqtaı sóndirildi. Jalyn sharpyǵan aımaq 90 sharshy metrdi qurady.

Oqıǵanyń saldarynan zardap shekkender men mert bolǵandar joq.

Osyǵan deıin Almaty oblysynda bazar órtengeni habarlandy.