Ár mınıstr kelgen saıyn bir reforma! Bilim berý salasy synaq polıgony sıaqty. Táýelsizdiktiń 27 jyly ishinde bilim salasyna jasalǵan reformalardy sanasańyz saýsaǵyńyz jetpeıdi. Al onyń saldary týraly aıtpaı-aq qoıayq. Keshe Qaraǵandy halqymen kezdesken Qasym-Jomart Toqaev osy reformashyldyqty synǵa aldy. Árıne, osy 30 jylǵy reformalar bizdiń bilim júıemizdi damyǵan elder sanatyna súırep alyp shyqqan bolsa qanekı. Birin - biri joqqa shyǵaratyn reformalardan ustazdar qaýymy da sharshaǵan. Aılyq jalaqylary da tómen. Sonyń kesirinen bilikti ustazdar qatary da kemip ketken.

Osy máselege erekshe toqtalǵan Q.Toqaev «Qazaqstannyń muǵalimderiniń eren eńbekteri qurmetteýge laıyqty. Alaıda ustazdardyń aılyq jalaqylarynyń deńgeıi eń tómengilerdiń qatarynda bolyp keldi (respýblıkalyq ortasha eńbekaqy deńgeıiniń 66%-y). Endigi jerde ustazdardyń eńbekterine aqy tóleý júıesi qaıta qaralady. Bul Elbasy Joldaýynda aıtyldy. Tynymsyz eńbekteri úshin pedagogtardy yntalandyrý – durys bilim berýdiń basty kepili. Mektep muǵaliminiń bedelin de osylaı kóterý qajet. Muǵalimniń ortasha eńbekaqysy basqa eńbek salalaryna qaraǵanda anaǵurlym tómen bolyp turǵan kezde mektepke daryndy, kásibı deńgeıi joǵary jas mamandardy tartý qıynǵa soǵady» , -dedi.

Ádilbek Qaba