Qaraǵandy oblysy İİD Krımınaldyq polısıa basqarmasy men qalalyq aýmaqtyq ishki ister organy qyzmetkerleriniń jedel-izdestirý sharalary barysynda kámelettik jasqa tolmaǵan balalarǵa azǵyndyq áreketter jasaǵan kúdikti ustaldy.

Bul týraly Qaraǵandy oblysynyń İİD baspasóz qyzmeti habarlady.

Qaraǵandynyń Mıhaılov aýdanynan 32 jastaǵy eshqaıda jumys istemeıtin qala turǵyny ustalyp, qala aýmaǵynda kámelettik jasqa tolmaǵandarǵa qatysty azǵyndyq áreketter jasaǵanyn moıyndady.

Qazirgi ýaqytta ustalǵan azamat ýaqytsha oqshaýlaý ızolátoryna qamalyp, sotqa deıingi tergep-tekserý amaldary júrgizilýde dep habarlaıdy Qazaqparat.

Sondaı-aq, Qaraǵandyda áli de birneshe pedofılder júrýi múmkin. Sebebi ózderine azǵyndyq áreket kórsetken er adamdy balalar ártúrli sıpattap bergen edi.

Aldynda habarlanǵandaı áleýmettik jelide qaraǵandylyq jas qyzdarǵa azǵyndyq áreketter jasap, izdeýde júrgen er adamdardyń fotorobty paıda bolǵanyn aıtqanbyz.

Eske sala ketsek, 9 sáýir kúni er adam kishkentaı qyzǵa turǵyn úı podezdinde azǵyndyq áreketter kórsetken, al 15 sáýir kúni taǵy úsh oqýshy qyzǵa tıiskenibelgili boldy. Ekeýi qashyp qutylǵanymen, úshinshi oqýshyny pedofıl jeke shyǵaryp alyp, ózin qanaǵattandyrý sátin túsirýge májbúrlegen.