Semeıde Mýzart, Janar Duǵalova, Álı Oqapov syndy qazaq estrada juldyzdary qatysqan konsert shoý emes, shýǵa ulasty.

Ánshiler bir ret qoıatyn konsertterin úsh ret tegin ótkizýine týra kelgen. Sebebi 450 orynǵa arnalǵan qalalyq mádenıet saraıyna halyq syımaı dalada qaldy.

Syrttaǵy kúte-kúte tózimderi taýsylǵan kórermen esikti qıratyp, tártip saqshylaryna qarsy shyqty. İshke syımaǵan jurttyń sany saraıǵa kirgen halyqtan 4-5 ese kóp.

Óner juldyzdaryn óz kózderimen kórgisi kelgender 3-4 saǵat dalada tosýmen boldy. Aqyry tózimderi taýsylǵan kórermen esikti qıratyp, ishke kirýge áreket etken.

Halyqty sabyrǵa shaqyrýǵa shamasy jetpegen tártip saqshylary esiktiń aldyńǵy qataryndaǵy halyqqa gaz balon da qoldandy, japa-tarmaǵaı esik jaqtaýyna júgirgender arasynda talyp, qulap, jyǵylǵandar da boldy.

Qaýipsizdikti kúsheıtý úshin Ulttyq gvardıa jasaǵy men qosymsha sarbazdar da shaqyrtyldy. Aqyrynda qala ákiminiń ózi kelip, jınalǵandardy sabyrǵa shaqyrdy.

“Saǵat bes bolmaı keldik. Adam kóp. Áreń kirdik, kire almadyq. Esiktiń bárin syndyryp, shashtaryn julyp, adamdar talyp jatty. Úlken kisiler, balalar bar. Bizdi kirgizbeıtin bolsa ne úshin tegin shaqyrdy?”, – deıdi  qala turǵyny Rysaldy Qasymhanova.