Amerıkanyń soltústik shyǵysyndaǵy Ogaıo shtatynda «Prezıdent áıelderiniń ǵylymı zertteý ortalyǵy» dep atalatyn mekeme bar. Bunda AQSH tarıhyndaǵy Prezıdent áıelderine qatysty barlyq málimet saqtaýly. Bul mekemeniń ortalyq kitaphanasynda Rýzvelt, Pok, Regan, Karterden bastap Klınton men qos Býshtyń áıelderi paıdalanǵan 6400 –ge jýyq jazbalar saqtalǵan. Ataqty adamdardyń aıaq kıimine deıin aýksıonǵa qoıatyn amerıkandyqtar Prezıdent áıelderiniń kıimderin túgendeýdi de umytpapty. Atalǵan ortalyqtyń quramynda murajaı bar. Onda birinshi hanymdardyń kıgen kóılekteri «tarıhı qundy mura» retinde kórmege qoıylǵan. № 42 Prezıdent Klınton men № 43 –shi Djordj Býshty bylaı qoıǵanda AQSH tyń 11-shi basshysy Poktyń, 32-shi Prezıdent Rýzveldtiń áıelderi kıgen kóılekterdi kórýge bolady. Bunda turǵan 150 kóılektiń árqaısysynyń tarıhy bar. Mysaly, Barbara Býsh qyzyl kóılegin qandaı jaǵdaılarda, qashan, qaı kúni kıgendigine deıin táptishtep jazylǵan. Qysqasy ár kóılektiń pasporty bar. Bul murajaıda «Qyzyl kóılekter koleksıasy» degen kórme jumys istepti. Toǵyz aıǵa sozylatyn kórmege biryńǵaı qyzyl kıimder qoıylypty. AQSH-tyń qazirgi Prezıdentiniń áıeli Mıshel Obamanyń kıimderine de murajaı qyzmetkerleri arnaıy oryn daıyndap jatqan kórinedi.

Sharafat Jylqybaeva