Jaqynda qurylǵanyna 15 jyl tolǵan “Orda” tobynyń músheleri Comode.kz saıtyna suhbat berip, otandyq shoý-bıznestiń kóshbasynda turǵan Qaırat Nurtasty synǵa aldy.

“Ordalyqtardyń” pikirinshe, Qaırattyń shyǵarmashylyǵyn ulttyq mýzyka kórinisi dep tanıtyn tyńdarmandar qatelesip otyr. “Mysaly, dombyra – Shámshi Qaldaıaqovtyń týyndylary sekildi ulttyń maqtanyshy. Biraq bul 100% váls, ıaǵnı nemis kompozıtorlarynyń shyǵarmashylyǵyndaǵy saryndy da baıqaýǵa bolady. Sondyqtan bizge de “Bul bizdiń ulttyq mýzykamyz, al sender basqa nárse istep júrsińder” degen halyqty túsinbeımiz. Bul durys emes, óıtkeni, biz de osyndaı qazaq áýenderin daıyndaýdamyz”, – deıdi aǵaıyndy Bedelhandar. Tanymal ánshiler Qazaqstandaǵy shoý-bıznestiń bolashaǵyna alańdaıdy. Qaırat Nurtastyń otandyq shoý-bızneste fenomen atanýy Qazaqstandaǵy mýzykanyń qaı deńgeıde ekenin kórsetse kerek. “Orda” tobynyń músheleri ulttyq mýzykany jasandy mýzykadan ajyrata bilý qajet deıdi. Mýzykanttardyń pikirinshe, reseılikterdiń ózi kezinde dúrkiregen “Laskovyı maı” áni men sony tyńdaıtyn zamannan ótip, básekege qabiletti mýzykaǵa kóshken. “Ándi qalaı shyrqaý kerektigin halyq aıtatyn bolsa, Qaırat Nurtas sekildi ánshiler shyǵady. Alaıda mýzykanyń myqtylyǵyn anyqtaıtyn mýzykant qana. Ol halyqqa jol tartatyn ónim úshin jaýapty. Sondyqtan, kásibı tańdaý jasaýdy mýzykant óz qolyna alady. Mysaly, halyq dızaınerge talap qoıyp, “Sen kıimdi durys tikpediń. Odan da, bylaı isteıik”, – dep aıtatyn bolsa, barlyq kıim ınkýbatordan shyqqandaı bolyp ketpeı me? Mine atalǵan ártistiń aınalasyndaǵy oqıǵalar osyǵan uqsas. Kásibı sheberlik joq jerde alýan túrlilik te joq. Sondyqtan, eń basty nárse – sapa da bolmaıdy”, – deıdi aǵaıyndy mýzykanttar. Eske sala keteıik, osyǵan deıin áıgili opera ánshisi Bıbigúl Tólegenova da Qaırat Nurtasty synap, onyń ánderin tyńdamaıtynyn aıtqan bolatyn.