Búgin, 22-sáýir  Qazaqstan baspasóz klýbynda H jylsaıynǵy halyqaralyq «Daraboz-2015» syılyǵyna arnalǵan baspasóz konferensıasy bolyp ótti. Onda spıker retinde qatysqan atalmysh sharanyń uıymdastyrý komıteti, sponsorlar men kelip túsken shyǵarmalarǵa ádilqazylyq etetin jazýshylar málimdeme jasady. Esterińizge sala ketsek, 2006 jyldan beri elimizde «Daraboz» atty balalarǵa arnalǵan shyǵarmalar úshin báıge uıymdastyrylyp keledi. Bıylǵy jyly ıgi sharanyń basy-qasynda júrgen «Baýyrjan» qaıyrymdylyq qory jobany jańa deńgeıde ótkizýdi kózdep otyrǵany málim boldy.

Baspasóz konferensıasynda alǵy sózdi alǵan «Baýyrjan» qaıyrymdylyq qorynyń negizin qalaýshy Juldyz Omarbekova konkýrsty uıymdastyrý komıtetiniń tóraıymy retinde «Daraboz» konkýrsyna shyǵarmalardy qabyldaý merzimi ústimizdegi jyldyń 20-mamyryna deıin jalǵasatynyn habarlady.

- Bıyl «Daraboz» konkýrsy «JerSý» ınvestısıalyq óndiristik korporasıasynyń qarjylaı qoldaý kórsetýiniń arqasynda onynshy márte ótkizilgeli otyr. Osy mereıtoılyq merzimdi eskere kelip, bıyldan bastap shyǵarmalardy tek qazaq tilinde ǵana emes, sonymen qatar, orys tilinde de qabyldaýdy jón sanap otyrmyz. Taǵy da bir qýantarlyq jaıt, úzdik shyǵarmalar toptalǵan jınaqtan bólek, bıylǵy jyly «Atamura», «Dáýir», «Almaty kitap», «Arýna» baspalary laıyq dep tanyǵan bir-bir kitaptyń shyǵarylymyn moıyndaryna alyp otyr. «El bolamyn deseń -  besigińdi túze» dep beker aıtylmasa kerek! Biz  óskeleń urpaqty batysqa elikteýden,  dinı aǵymdardan, ınternettegi adam shoshytarlyq túrli qaterli aqparattardan saqtandyrǵymyz kelip sharq uramyz. Alaıda, olardy qoǵamnan bólip jaryp tárbıeleı almaıtynymyz aıqyn. Sebebi, adamnyń kúni adammen. Adammen aralaspaı  - quralaspaı bolmaıdy. Bala da sol sıaqty. Onyń bolashaqta qandaı azamat bolýy qoǵamǵa, jáne jan jaqtan aǵylyp kelip jatqan aqparatqa tikeleı baılanysty. Bul tyǵyryqtan shyǵatyn birden-bir jol, ol - kitap. Kitap - osy qaýipti vırýstarǵa tótep beretin ımýnıtet ispetti rýhanı azyq. Sondyqtan búgingi siz ben bizdiń mindetimiz Balalar jazýshylaryna qoldaý kórsetý. Sol arqyly dúnıege búldirshinder qaýymyna arnalǵan myqty shyǵarmalardyń kóptep kelýine septigimizdi tıgizý; kitap tırajdaryn kóbeıtip, tegin taratý, sol shyǵarmalarmen óskeleń urpaqty tárbıeleý. Elin kórkeıter, eńbegine adal, el qamyn jeıtin urpaq tárbıeleý, dep sózin jalǵady spıker.

Konkýrsty qarjylandyryp kele jatqan "ZHERSU" ınvestısıalyq óndiristik korporasıasynan ókil retinde qatysyp otyrǵan  "ZHERSU" IÓK Basqarmasy Tóraǵasynyń orynbasary Shara Sırgebaeva sóz alyp, - Korporasıa prezıdenti Ospanov Baýyrjan myrza uzaq jyldar boıy osy tektes sharalarǵa kóp kóńil bólip, qarjylaı qoldaý kórsetip keledi.  Bıyl "ZHERSU" ınvestısıalyq óndiristik korporasıasy jobaǵa 6 mln kóleminde qarjy bólip otyr. Ol qarjy konkýrsta jeńimpaz atanǵan avtorlarǵa júlde retinde úlestirilip, qalǵany kitap shyǵarýǵa jumsalatyn bolady. Balalar ádebıeti - olardyń bolashaǵy, bizdiń bolashyǵymyz. Sondyqtan bul iske at ústi qaraýǵa bolmaıdy. Bıylǵy jyly osy sharany jańa deńgeıge ótkizýge kelisim berip, qolǵa alyp otyrǵan «Baýyrjan» qaıyrymdylyq qoryna rahmetimizdi aıtamyz. - dedi.

Óz kezeginde Daraboz konkýrsynyń bastamashysy, Qazaqstan jazýshylar odaǵynyń múshesi, balalar jazýshysy Sháken Kúmisbaıuly konkýrstyń ádil ótetin  aıtyp ótti. Búginge deıin  avtorlar shyǵarmalardy jasyryn atpen jiberip kelgen bolsa, bıyldan bastap ashyq konkýrsqa aınalatyn bolady.

-Óz basym konkýrstyń eki tilde ótetinin qoldaımyn – dedi spıker, qoǵam qaıratkeri Sofıa Raeva. - Elbasymyz aıtqandaı eń bastysy birlik! Óz tájirıbemnen belgili bolǵandaı, bizdiń qoǵamda orys tildi oqyrman balalar men orys tildi jazýshylar jetkilikti. Qoldaý bolsa, bolashaqta  qazaq salt dástúrin, ǵurpyn jalpaq jurtqa tanytatyn shyǵarmalar kóptep dúnıege keledi dep senemiz.

Sonymen qatar, qoǵam qaıratkeri  ómir týraly, otanǵa súıispenshilik týraly  kitaptardyń azdyǵyn aıta kelip, - Jazýshy degen qysqa merzimde aqshaǵa jasap shyǵarýǵa bolatyn ártis ne ánshi emes, olar týma talant, sondyqtan jazýshylardy baǵalaı bilý kerek dedi.

Baspasóz konferensıa barysynda málim bolǵanyndaı, bıylǵy konkýrstyń jeńimpazdaryna taǵaıyndalatyn júlde qory tómendegideı:

1. Gran prı (bireý) - 1 000 000 tg + kitap shyǵarý úshin Baspamen kelisim-shart
2. 1 oryn (ekeý) - 700 000 tg + kitap shyǵarý úshin Baspamen kelisim- shart
3. 2  oryn (ekeý) - 300 000 tg + kitap shyǵarý úshin Baspamen kelisim- shart
4. 3 oryn (ekeý) - 200 000 tg + kitap shyǵarý úshin Baspamen kelisim- shart
5. BALALAR ÁDEBIETİN DAMYTÝǴA QOSQAN ÚLESİ ÚSHİN (bireý)\

Shyǵarmashylyq báıgege qabyldaý erejesin myna aradan oqı alasyzdar: http://qamshy.kz/?p=23008