Qostanaı oblysy, Áýlıekól aýdanyna qarasty Qusmuryn aýylynda belgisiz bireýler Lenınniń eskertkishir jaryp jibermekshi bolǵan. Bul týraly "Qamshy" portaly kstnews.kz-ke silteme jasaı otyryp habarlaıdy.

Qostanaı oblystyq tótenshe jaǵdaılar departamentiniń baspasóz-qyzmeti atalmysh aqparatty rastaǵan. Oqıǵa 22 sáýir kúni tańǵy 09:00 shamasynda oryn alǵan. Aýyl ortalyǵynda ornalasqan Lenınniń eskertkish músinine belgisiz adamdar kólik dóńgelegi men basqa da janǵyz zattardy úıip, órt qoıǵan. Artynan 40 lıtrlik gaz balonyn tastaǵan.

Eskertkishtiń órtenip jatqanyn kórgen kýágerler jedel órt sóndirýshilerge habarlasqan.

Oqıǵa ornyna kelgen Áýlıekól aýdandyq órt sóndirý qyzmeti mamandary órtti aýyzdyqtaǵan. Sondaı-aq, dál sol kúni jaýyn jaýyp turǵan. Bul da órtti aýyzdyqtaýǵa sepshi bolǵan.

"Atalmysh oqıǵaǵa qatysty kúdiktiler izdestirilýde. İs Áýlıekól aýdandyq quqyq qorǵaý qyzmetkerlerine tapsyrylǵan. Lenınniń tas músinine órt qoıǵan azamattardyń esimi kórsetilmegen",-delingen aqparatta.

Nurzat Toǵjan