Elimizdegi paıyzdyq ústemeler boıynsha eń qolaıly jaǵdaılar usynatyn banktiń turaqty klıentteri men qonaqtaryna  arnaǵan atalmysh sharasy dástúrli túrde jyl saıyn ótkizilip turady. Búgin de  Bank qyzmetkerleri joǵary deńgeıli is-sharasymen kóktemniń shyraıyn odan ári asyrǵandaı. Operator-konsýltanttardyń áýezdi ándi fleshmobymen bastalǵan sharaǵa kelgen qonaqtardyń da sany kóp boldy. Astana qalasyndaǵy ortalyq fılıaldyń dırektory Aıjan Turaqbaıqyzy banktiń turaqty klıentteri men senimdi seriktesterine alǵys bildirip, «Alǵys hat» tabystady. Shara qonaǵy tanymal jýrnalıs Dınara Satjannyń «Mindetti túrde BI Group seriktestigimen birikken joba arqyly turǵyn úı jınaq salymyn ashamyn» deýi, barlyq qonaqtyń qyzyǵýshylyǵyn odan saıyn arttyrdy.

Aıta ketý kerek, bank 2015 jyldyń alǵashqy shıreginiń ózinde 36644 mln teńge kóleminde 5400 zaım berilgen. Qazaqstandaǵy árbir jetinshi salymshy atalǵan banktiń qyzmetin paıdalanady. «Klıentterdiń kóp kelý sebebiniń biri – Memleket Basshysy qoıǵan tapsyrmalardy tyńǵylyqty oryndaýymyzda», - dep atap ótti «Turǵynúı jınaq banki» AQ basqarýshy dırektory Erulan Jamaýbaev. Onyń aıtýynsha 2023 jylǵa taman halyqtyń 17 % -na qyzmet kórsetý josparlanǵan.

Aqparattandyrý maqsatyndaǵy shara bankpen tolyqtaı tanysý ekskýrsıasymen jalǵasty.

Quralaı Isaeva