Álemniń nazary qazaqtyń ulttyq oıynynda...
12-18 sáýir kúnderi aralyǵynda Almaty qalasynda Dúnıejúzilik toǵyzqumalaq federasıasy, Qazaqstan Respýblıkasy Mádenıet jáne sport mınıstrligi, Almaty qalasy ákimdiginiń uıymdastyrýymen toǵyzqumalaqtan 3-shi álem chempıonaty ótti. Jarysqa 23 memleketten 60 oıynshy qatysty. Shveısar júıesi boıynsha 7 týrdan jarys Klasıka, rapıd, blıs túrlerinen ótkizildi. Jarysqa AQSH, Antıgýa, Barbýda, Aýǵanstan, Ázerbaıjan, Gana, Germanıa, Grýzıa, Italıa, Kolýmbıa, Moldova, Qyrǵyzstan, Qytaı, Monǵolıa, Ózbekstan, Reseı, Tájikstan, Túrkıa, Túrkimenstan, Indıa, Ulybrıtanıa, Chehıa, Shveısarıa, Qazaqstan qurama komandalarynyń sportshylary qatysty.
Bul jolǵy jarysta Qazaqstan komandasy barlyq 1-oryndy jeńip aldy. Saıysta QazUÝ-niń halqaralyq qatynastar fakúltetiniń stýdenti Iavarı Malıka óz eli Aýǵanstannyń namysyn qorǵap shyqty. Bul degenimiz bizdiń Qazaqstannan bilim alyp júrgen sheteldik jastardyń, qazaq ultynyń mádenı oıyndaryna belsene at salysyp, óz eline dáriptep júrgeniniń belgisi. Toǵyzqumalaq ulttyq oıyny kún saıyn jetilip, halqarada abyroıly ári suranysqa ıe zıatkerlik oıynnyń túrine aınalyp keledi. Bul jolǵy jarystyń taǵy bir ereksheligi Toǵyzqumalaq halqaralyq qaýymdastyǵynyń basshylarynyń qaıta jasaqtalýy boldy. Álıhan Baımenov jalǵasty ulttyq oıynnyń tizginin ustaıtyn boldy. Esesine tóraǵa orynbasarlyǵyna shveısarıalyq Djon Reshıskıı, Qytaıdan kelgen Jarqyn Seıit, qyrǵyzstandyq Qamchybek Qasymov jáne qazaqstandyq Dinmuhammed Ydyrysov bekitildi. Federasıanyń bas hatshysy qyzmetin Maqsat Shotaev, atqarýshy dırektorlyǵyn Yrysbaı Ábdijapparov atqaratyn boldy. Álıhan Baımenov myrza: «Alda Eýropa jáne Azıa chempıonattaryn ótkizýmen qatar, 2017 jylǵy kórme qarsańynda Astanada IV álem chempıonatyn ótkizsek dep josparlap otyrǵanyn aıtty.» Álıhan aǵanyń bastaýynda toǵyzqumalaqty áli talaı belesterge jetkizemiz dep senemiz. Ult úshin qyzmet etemiz!
| Toǵyzqumalaqtan 3- álem chempıonatynyń nátıjesi: |
Erler arasyndaǵy men áıelder arasyndaǵy saıystyń júldegerleriniń oryn dárejesi qatar jazyldy.
| Rapıd máneri | Blıs máneri | Klasıkalyq úlgi |
| Qabıev Nurbek (Qazaqstan) 1-oryn | Serik Aqtaev (Qazaqstan) 1-oryn | Hakimjan Eleısinov (Qazaqstan) 1-oryn |
| Dálıeva Ásel (Qazaqstan) 1-oryn | Saparbaeva Saltanat (Qazaqstan) 1-oryn | Dálıeva Ásel (Qazaqstan) 1-oryn |
| Anarbek Jamakeev (Qyrǵyzstan) 2-oryn | Nurbek Qabıev(Qazaqstan) 2-oryn | Janat Qaımýldın (Qazaqstan) 2-oryn |
| Dıana Kenına (Qazaqstan) 2-oryn | Dálıeva Ásel (Qazaqstan) 2-oryn | Aıda Kerimbekova (Qyrǵyzstan) 2-oryn |
| Alekseı Peters (Germanıa) 3-oryn | Alekseı Peters(Germanıa) 3-oryn | Anarbek Jamakeev (Qyrǵyzstan) 3-oryn |
| Mádına Qurmanbekova (Qyrǵyzstan) 3-oryn | Maqsatbekqyzy Aıturǵan (Qyrǵyzstan) 3-oryn | Saltanat Saparbekova 3-oryn |
Daıyndaǵan: Moldahmetova Aınur Shaharqyzy, Toǵyzqumalaqtan sport sheberi. QazUÝ Dene shynyqtyrý jáne sport kafedrasynyń aǵa oqytýshysy.
