Búgingi tańda Qazaqstan Respýblıkasyndaǵy joǵarǵy oqý oryndarynyń sapasy jyl sanap joǵarylap keledi. Ulttyń erteńine aınalǵan joǵarǵy dárejedegi bilim ordalary bilim men ǵylymdy ǵana talap etetin sapyrylys zamanda eldiń maqtanyshy men qýatyna aınalýda. Maqsatty túrde is júrgizetin ustazdardyń utymdy bilim berý júıesi men bilimmen qosa ult dástúrin qosa meńgergen jas stýdentterdi daıyndaý kirpishin jetik qalaǵan Qazaq Ulttyq Ýnıversıtetiniń qazirgi tańdaǵy ataǵy men abyroıy, jetistikteri men jańalyqtary eldiń nazaryn aýdaryp otyr.
Ulttyq Ýnıverstetten bilim alyp otyrǵan jańa zaman talabyna taban tireıtin bilikti stýdentter ǵasyr suranysyn qanaǵattandyryp qana qoımaı, Qazaqstannyń qýaty bolatyn qadamy berik, tyń jobalar men aldyńǵy qatarly josparlar quratynyna ýnıversıtet úlkenderiniń senimi mol. Aıtylyp otyrǵan sózderge sebep bolatyn qazirgi tańdaǵy ýnıversıtettiń mańyzdy jetistikteri tikeleı ustazdar men stýdentterdiń tynymsyz eńbekteriniń arqasynda dep bilemiz. Jas stýdentterden bastap jasy jyldardy ótkergen profesorlarǵa deıin izdenetin, Qazaqstannyń túkpir-túkpirinen jáne shet elderden 20000-nan astam stýdentter jınalǵan QazUÝ TMD ýnıversıtetteri arasynda úshinshi orynda, QS reıtıńisi boıynsha sońǵy eki jylda álemdegi úzdik top ýnıversıtetter qatarynda, Qazaqstan ýnıversıtetter arasyndaǵy eń úzdik ýnıversıtet bolyp sanalady.
Ýnıversıtettiń QS reıtıńisindegi pozısıasy – 305 oryn. ál-Farabı atyndaǵy QazUÝ bedeldi ThomsonReuters agenttiginiń «2011 jylǵy ǵylym tóńiregindegi jetistikteri úshin» arnaıy dıplomymen marapattalǵan Qazaqstan Respýblıkasyndaǵy birinshi joǵarǵy oqý oryn. Ataqty halyqaralyq "GreatValueColleges" uıymynyń qorytyndysy boıynsha ál-Farabı atyndaǵy QazUÝ álem boıynsha 50 tehnologıalyq damyǵan ýnıversıtetter qataryna kirip, reıtıńte 31-oryn ıemdendi. TMD, Shyǵys jáne Ortalyq Eýropa, sonymen birge Sıngapýr, Japonıa, búkil Azıa kontınenti arasynda qazaqstandyq JOO jalǵyz ókil ekendigin eskergenimiz durys. ál-Farabı atyndaǵy QazUÝ-da UNITWIN baǵdarlamasyna sáıkes, IýNESKO keńesimen damý boıynsha Orta azıalyq turaqty damý boıynsha aımaqtyq IýNESKO haby quryldy. Turaqty damý boıynsha IýNESKO kafedrasy ashyldy. Bolon úderisiniń negizgi qaǵıdalaryna beıimdelýge tolyq ruqsat beretin jáne eýropalyq JOO akademıalyq saıasatynyń standarttaryna saı ES - TEMPUS, ERASMUSMUNDUS baǵdarlamasy boıynsha Ýnıversıtet Qazaqstan Respýblıkasynda kóshbasshy bolyp keledi. Bul TEMPÝS-tyń 9 jobasy, ErazmýsMýndýs-tyń 7 jobasy jáne ál-Farabı atyndaǵy QazUÝ 3 jobaǵa koordınator bolyp otyr. Ýnıversıtet halyqaralyq seriktestikte kóptegen iri halyqaralyq ǵylymı-bilim berý jobalaryn qolǵa alyp otyr, mysaly óziniń dıalogtik alańy bar «Jasyl kópir urpaqtan urpaqqa» jobasyn www.greenbridge.kaznu.kz ǵalamtor jelisinen kóre alasyzdar. Sonymen qatar 2014 jyldyń qańtar aıynda ál-Farabı atyndaǵy QazUÝ-ǵa jahandyq hab United Nations Academic Impact (BUU akademıalyq yqpal) turaqty damý boıynsha basqarý senip tapsyryldy. UNIFORM Project Halyqaralyq konsorsıým negizinde Tokıo ýnıversıtetimen birigip Qazaqstan tarıhynda birinshi ret sırek kezdesetin joba otandyq Nanospýtnıkti ázirleý jumystary júrip jatyr. Bul ázirleme basqa da jobalar sıaqty Ekspo-2017 kórmesinde tanystyrylmaq.
ál-Farabı atyndaǵy QazUÝ aıasynda «Alataý» ITP-nyń úshinshi kezeńi ázirlenbek. Bul ǵylymı-bilim berý jáne ınovasıalyq klasterdiń qurylýy ulttyq ınovasıalyq júıeniń negizgi «damý núktesi» bolyp tabylady.
Kózdegen maqsaty shyńnyń shyńynda ornalasqan, tek qana elim degen stýdentter men urpaǵym degen ustazdar daıyndaı biletin, ónegeli ul-qyzdardy ónerli de óristi etip óz uıasynan ushyryp, jemisin kóre biletin, tamyryn tereńge jaıǵan JOO-nyń qarashańyraǵy QazUÝ dál búgingideı qarqynmen álemniń nazaryna, eldiń qalaýyna, jastardyń jaıdarly mekenine aınaldy. Ár stýdent óz ýnıversıtetiniń nátıjesán jemisti ete bilse, ýnıversıtet úshin orny tolmas mártebe! ál-Farabı atyndaǵy QazUÝ qazaq eliniń bolashaǵynyń kepili bolatyn birden biregeı bilim ordasy.
Gúlmıra SHMADIAR,
ál-Farabı atyndaǵy QazUÝ stýdenti
