Tanymal aıtysker aqyn Rınat Zaıytov aıtysqa qaıta oralady.

Saıtqa bergen suhbatynda sahnadan alystap ketken aqyn qazir nemen aınalysyp júrgenin, jýyrda qaıtadan aıtysqa oralatyny jaıly aıtty. “Aıtystan qol úzgenim joq, qatysamyn. Qaraǵandyda Sáken Seıfýllın atamyzdyń úlken toıyna aıtys bolǵaly jatyr. Alda Jeńiske 70 jyldyǵyna Qyzylorda qalasynda aıtys ótedi, 30 mamyrda ózimniń aǵam, rýhanı ustazym Orazaly Dosbosynovty eske alý aıtysy ótedi. Úsheýine de qatysamyn”, – dedi Rınat Zaıytov suhbatynda. Aıtysker aqyn sondaı-aq “Habar” arnasy kórsetken shoý-aıtys týraly da oıyn bildirdi. “Ánshilermen bolǵan aıtys deıdi. Áli talaı dúnıe bolady. Bári jabylyp qazaqtyń ónerin óltirýdiń jolynda óte jaqsy jumys jasap jatyr. Qazir aıtysqa burynǵydaı kórermender kóp kelmeıdi. Demek, olarǵa aıtys qajet emes. Al, teris áser, jırkenishti týdyrǵan kim? “Nur Otan” shyǵyp týdyrǵan joq, ony aqyndar týdyrdy, ıaǵnı biz, onyń ishinde men de barmyn. Talaı kelisip aıtystyq. Biraq, ár nárseniń shegi bolýy kerek”, – dedi Rınat.