Tanymal aıtysker aqyn Balǵynbek Imash qoǵamdaǵy ózekti máselerge baılanysty pikir áleýmettik jeli arqyly pikir bildirdi. Aıtysker aqynnyń aıtýy boıynsha, sońǵy ýaqytta oǵan aryzdanýshylardyń sany kóbeıgen. Ol jartylaı jalańash qyzdardyń kóbeıýine erkekterdi kinálady dep jazady Qamshy.kz aqparat agenttigi.
"Sońǵy kúnderi jekeme shyǵyp aryz aıtýshylar kóbeıip ketti. Osy biz kim bolyp baramyz? Ar uıattan bezgen arý qyzdarymyz anaý, músheqap taratqysh mınıstrligimiz mynaý... Kim kináli?
Árıne, biz ózimiz! Erkekter kinálimiz. Balasyn ájethanaǵa, qoqysqa, kóshege tastaǵan qyzdardy sógemiz, al onyń aıaǵyn aýyr qylǵan jigitterdi she? Araq ishken, shylym shekken, jalańashtanǵan, boqtap sóıleıtin, ultyn qorlaıtyn, aryn satatyn qyzdyń bári jetim be? Ata qaıda, áke qaıda, aǵa men ini, naǵashy men jıen qaıda? Nege qamqor bolmaıdy? Nege tyıym salmaıdy? Jetim bolsa týysy qaıda, tiri jetim bolsa ákesi nege tastaıdy? Maǵan kóp áıelder kómek surap habarlasady. Kúıeýińiz qaıda desem, tastap ketken deıdi. Úsh, tórt, bes, alty balasymen tastap ketken, múgedek balasymen tastap ketken, kileń qyz týdyń dep tastap ketken, eshó kredıt alǵyzyp tastap ketken kúıeýler bar eken. Ózimizdiń qazaqtyń jigitteri! Jigit deýge bola ma ondaılardy?
Nege osynshalyq rýhanı quldyradyq? Aıjan qaıdan shyqty? Shyryn qaıdan shyqty? Qazaqtyń qyzdary ǵoı, óz qaryndastarymyz, óz qyzdarymyz emes pe? Iá, namysty bop kórinip, uıatsyz, ońbaǵan dep qarǵap-sileý, pikir jazý ońaı. Al sony tamashalap, paraqshasyna jazylyp, laık basyp, silekeıi shubyryp "qolymyzǵa bir tússeń" dep nápsisi qozyp otyrǵan kimder eken? Ózimizdiń otandastar ǵoı! 100 myńnan astam adam jazylyp alsa, olar kináli emes pe? Suranys solardan ǵoı.
Esi durys, esti erkekter bolsa áýeli ózimizdi tıalyq, sosyn kózimizdi tıalyq, sosyn ózgeni jerden alyp, jerge salǵan sózimizdi tıalyq. Sosyn ápke-qaryndas, áıelderimizdi, qyzdarymyzdy, árbir qarakózderimizdi qyzǵanyp, qorǵaıyq. Syrtynan duǵa jasaıyq! Erkegi namysty eldiń, áıeli arsyzdyq jasamaıdy. Oıan, Qazaq! Oılan, Qazaq!", - dep jazady Balǵynbek Imash.
