Kóne grek tarıhshysy Gerodot jazyp ketken saqtar týraly (skıfter) ańyzda qamshy týraly qyzyq derek bar. Elý jyl boıy Eýropany sharlap, joryqta júrgen saq jaýyngerleri kúnderdiń kúninde eline qaıtady. Uzaq jyl erlerin kútip habar bolmaǵan soń, áıelderi ózderiniń quldaryna tıip, olardan bala týady. Saq jaýyngerleri eldiń shetine jetkende quldan týǵan uldar qoldaryna qarý ustap shyǵyp, batyrlardy elge kirgizbeı soǵys salady. Aıqas uzaqqa sozylyp, quldardy jeńe almaǵan saqtar keńes qurady. Sonda bir danagóı qarıa: «Eı, saq jaýyngerleri, osy biz ne istep júrmiz? Qarańdarshy, óz quldarymyzben soǵysyp jeńe almadyq. Óıtkeni, biz qarýmen soǵysqandyqtan olar ózderin teń sanap, jeńistik bermeı júr. Bar qarý-jaraqtaryńyzdy tastap, olarǵa qamshy alyp shyǵyńdar. Olar qamshynyń sýylyn estip, ózderiniń qanyndaǵy quldyq qasiret esine túsirsin» — depti.

Saqtar bul keńesti maqul kórip, qamshymen quldarǵa qarsy shyǵady. Qamshynyń sýyldaǵan ysylyn estigen qultuqymdylar shaıqasty umytyp, qaradaı esi shyǵyp, maıdandy tastap qasha jónelipti. Sóıtip, saqtar qamshy arqyly quldardyń genine sińgen úreıdi oıatqan-mys.

Beken Qaıratulynyń Facebook-tegi paraqshasynan