Munyń aldynda Shyńjań bıligi jappaı ındoktrınasıa naýqanyn júrgizip, myńdaǵan adamdy oqshaýlaǵan. Olar otyrǵan lagerlerdi Pekın "kásibı oqytý ortalyqtary" dep atady. Munda júzdegen myń, keıbir málimetter boıynsha, mıllıonnan astam adam ornalastyrylǵan.
Lagerde otyryp shyqqandar olardy óz mádenıetinen, dinı kózqarasynan bas tartýǵa úgittep, saıası ındoktrınasıa júrgizgenin aıtty.
Qazaqstannyń Syrtqy ister mınıstrligi 9 qańtarda jasaǵan málimdemesinde Pekın eki myń etnıkalyq qazaqqa kóshýge ruqsat bergenin rastady. SİM málimdemesinde Qazaqstanǵa kelgen olar Qazaqstan azamattyǵyn alýǵa ótinish bere alatyny aıtylǵan.
