Ýkraınanyń radıkaldy «Azattyq» partıasynyń belsendi múshesi Irına Farıon Donbass aýmaǵyn orystardan tazartýǵa shaqyrdy.

–Bul etnıkalyq soǵys. Bul – máskeýlikter men ýkraındardyń soǵysy. Sondyqtan biz Donbass aýmaǵynan orystardy qýyp shyǵýymyz kerek,–dep málimdedi ol.

Qashan da óziniń radıkaldy kózqarasymen jurttyń esinde qalǵan Irına Farıon Ýkraınada basqa tildiń ústemdik alýyna jol bermeýge shaqyrdy. Kezdesýde jurtshylyq Irınaǵa "orys tilinde sóıleıtin ýkraındyqtarǵa ne isteı alamyz?" dep saýal qoıǵan.

–Eger qandaı da bir adam kóshede osyndaı máseleni kóteretin bolsa, onda qarap turýǵa bolmaıdy. Aıaǵyńdaǵy týflıdi sheship al da, betine ur. Ondaılarmen sóz talastyryp, bet jyrtysyp qajeti joq. Orys tilin Ýkraınada ústem etkisi keletinderge múmkindik berýge bolmaıdy. Olardy  Ýkraınanyń joǵary oqý ornyna túsirýdiń de qajeti joq. Tipti jumysqa ornalasýǵa tyıym salý kerek. Bitti! Eger bul qadamǵa kónbeıtin bolsa, onda Ýkraınadan ketsin jáne olar bizdiń elge qaıtyp oralmasyn! Sonda ǵana biz bir ultty memleketke aınalamyz. Orys tili– okkkýpanttardyń tili! Biz Donesk men Lýganskige jaýlarymyzdy óltirý úshin ǵana barýymyz kerek.  Orystar bizdiń elimizge basyp kirdi. Olar–soǵystyń avtory. Solardyń áreketinen shyǵysta 11 myń adam opat boldy», –dedi ol jurtshylyqpen kezdesýde.

Ýkraınanyń ultshyldar uıymynyń belsendi múshesi Irına Farıon Stepan Banderanyń týǵan kúnin qasıetti kún dep sanaıdy.  Ony  jurtshylyq «Kıev hýntasynyń fýrıasy» (betpaq áıel-red) dep te ataıdy eken.