Dombyra qazaq halqynyń asyl murasy, onsyz qazaq bolmysyn elestetý óte qıyn. Qadyr aqyn jyrlaǵandaı: «Naǵyz qazaq qazaq emes, naǵyz qazaq dombyra». Búginde dombyra bizdiń ulttyq sımvoldarymyzdyń biri. Biriktirýshi, uıystyrýshy faktor. Ony moıyndamaıtyn, «-tyńdamaımyn» dep muryn shúıiretin qazaq joq bolsa kerek. Qazaqsha sóılemeýi múmkin, biraq dombyrany súımetin bolýy múmkin emes. Tek ózindik, tek qazaqtyq bolyp elestetiletin dombyra o bastan jalpy túrki jurtyna ortaq dúnıe. Qala berdi tek qazaqty emes, kóptegen túrki balasyn biriktiretin mura. Eger osy ýaqytqa deıin ony tek qazaq, qyrǵyz, noǵaı jáne taǵy basqa baýyrlarymyzǵa ortaq dep kelsek endi keregemiz keńge jaıylýda. Aýǵanystannyń ortalyq aımaǵynda 5 mıllıonnan astam jurt ómir súredi, aty hazar, zaty túrki(ózderi solaı deıdi), ULTTYQ ASPAPTARY DOMBYRA, tek tilderi parsy, dinderi shııt. «Tilde, iste, pikirde – birlik!» dep urandaıtyn BOLASHAQ RESPÝBLIKALYQ QOZǴALYSY osy hazar jurtynyń ókilderin Almatyǵa shaqyryp konsert bermek, 04 mamyr kúni Almatyda Aýǵanystan dombyrashylary(hazarlar) jáne qazaq dombyrashylary, ulttyq estrada juldyzdarynyń qatysýymen kesh ótkizbek. Keshtiń maqsaty qazaq jáne hazar dombyrashylaryn tyńdaý. Keshke sol sekildi, Aýǵanystannyń parlament depýtattary jáne basqa da zıaly qaýym ókilderi qatar keledi. Qazaqstannyń da májilis depýtattary, zıaly qaýym ókilderi, ult-patrıottary keledi dep kútilýde. Atalǵan is-sharany tamashalaýǵa barsha kórermenderdi, jýrnalıserdi, qoǵam qaıratkerlerin jáne ortaq túrki dúnıesi úshin bolysyp júrgen azamattardyń barlyǵyn shaqyramyz. Kirý tegin.