Fransıadaǵy álgi aty shýly jýrnal esińizde me? Iá, dál sol Muhammed (s.a.ý.) paıǵambardy kelemejge aınaldyryp, karıkatýrasyn syzyp júrgen "Charlie Hebdo". Mine, endi jýrnaldyń ýkraınalyq nusqasy shyǵatyn boldy. Bul týraly fransıalyq satıralyq aptalyq jýrnaldyń baspasóz-hatshysy Fransýa Angland (Francois Anglande) málimdedi. Tipti, ol bul jańalyǵyn Facebook áleýmettik jelisindegi paraqshasynda bólisken. Anglandtyń aıtýynsha, jańa jýrnaldaǵy barlyq materıaldardy ýkraınalyq jýrnalıser daıyndaıdy. Al Parıjdegi ortalyq ofıs tek jýrnaldyń ýkraınalyq nusqasyn jaryqqa shyǵarýmen aınalysady. Sonymen qatar, Angland jýrnaldyń alǵashqy sanynyń muqabasyn da jarıalaǵan. Sonymen qatar, ol muqaba karıkatýrasynda beınelengen saıasatkerlerdi jaqsy tanymaıtynyn aıtqan. Joba boıynsha, muqabadaǵy karıkatýralyq sýrette munaı qubyrynyń ústinde minip, jynystyq qatynas jasqa túsip otyrǵan Dnepropetrovkiniń eks-gýbernatory Igor Kolomoıskıı, halyq depýtaty, jýrnalsıt Mustafa Naıem jáne Ýkraına prezıdenti Petr Poroshenkolar beınelengen. Bul ózkezeginde ýkraınalyq saıasatkerlerdiń ashýyn týǵyzǵan. Esterińizde bolsa aty shýly jýrnal Muhammed (s.a.ý.) paıǵambardyń karıkatýrasyn beınelegeni úshin álem musylmandarynyń sotyna túsken bolatyn. Osy oqıǵadan keıin, 7 qańtar kúni 3 birdeı qarýly adam jýrnaldyń Parıjdegi keńsesine basyp kirgen. Sol kúni Charlie Hebdo-nyń 12 qyzmetkeri kóz jumǵan bolatyn. Al 9 qańtar kúni Amedı Kýlıbalı esimdi terrorıst 20-ǵa jýyq adamdy kepilge alyp, jýrnaldyń jabylýyn talap etken. Bul joly fransıalyq quqyq qorǵaý qyzmetkerleri dereý áreketke kóship, terrorıst zalalsyzdandyrylǵan. Adam shyǵyny joq. Jýrnal osy terraktilerden keıingi birinshi nomerin "tiri qalǵandar sany" dep atap, 14 qańtar kúni shyǵardy. Aldyn ala boljamdar boıynsha, jýrnaldyń tırajy 1 mıllıon degenimen, jýrnal úlken suranysqa ıe bolyp, osy jýrnaldyń osy sanynyn taǵy 8 mıllıon kóshirmesin shyǵarǵan. Bul jolǵy sanynda da Charlie Hebdo-lyqtar paıǵambardyń karıkatýrasyn jarıalaǵan. Nurgeldi Ábdiǵanıuly