1 mamyr Qazaqstan halqy birligi kúnin toılap jatqanda, beıbit eldiń berekesin qashyrýdy kózdegen álde bir provakatlar Almaty qalasynyń, Saın jáne Shalápın kósheleriniń qıylysynda motosherý uıymdastyryp, ózderimen birge qylyshynan qan tamǵan keńester odaryǵynyń qyzyl baıraǵyn kóterip shyqqan.

Sońǵy ýaqytta áleýetke ıe bolyp kele jatqan áleýmettik jeli qoldanýshylary muny provakasıalyq áreket dep túsinip, zań aldynda jaýapqa tartý kerek degen pikirler bildirýde. Dese de, quzyrly organdaǵylar ázirge únsiz. Iakı, shataqqumar sherýshilerdiń ústinen áli shaǵym túspegen.

Esterińizde bolsa, qazaqtyń maqtanyshy Gena Golovkınniń kezekti jeńisinen keıin, Astanalyq jigit qýanyshyn bólisip, óz úıiniń kóshege qaraǵan bolkonyna QR Memelekettik Týyn ilip qoıǵanda, bizdiń shash al dese, bas alatyn polısaılar patrıot jigittke 400 myń teńge kóleminde aıyppul salǵan bolatyn. Bul kezde de áleýmettik jeli qoldanýshylary belsendilik tanytyp, jalpy halyq bolyp jas patrıotqa arasha túsken bolatyn.

Ras, Qazaqstannyń Ákimshilik quqyq buzýshylyq týraly kodeksinde memlekettik rámizderdi zańsyz paıdalanýǵa jaýapkershilik kózdelgen. Atalmysh zańnyń burynǵy nusqasynda, mundaı áreketi úshin 200 AEK (aılyq esep kórsetkishi) kóleminde aıyppul kózdelgen. Al kórshi Reseıde dál osyndaı jaǵdaıda azamatqa 2000 rúbl kóleminde ǵana aıyppul salynady. Sol kezde, bizdiń parlamenttegiler ózderi maquldaǵan zańnyń jańsaq ekenin túsindi me, áıteýir birqatar depýtat aǵalarymyz patrıot jigitke qoldaý bildirgen bolatyn. Tipti, burynǵy Senat depýtaty Ǵanı Qasymov myzra "mundaı patrıotızmniń úlgisin kórsetken jigitke 400 myń aıyppul emes, 400 myń teńge syıaqy berý kerek", degen edi.

Bul Memlekettik rámiz. Durys!  Ony qurmetteýimiz kerek, zańsyz jerlerge paıdalana bermeýimiz kerek. Áıtpegende, aıyppul salynyp, zań aldynda jaýapqa tartylady ekenbiz.

Al tapa-tal túste, ashyqtan-ashyq, nasıstik, nasıonalıstik áreketke barǵan bassyzdyqqa quqyq qorǵaýshylar (polısaılar) tarapynan qandaı jaýap bolady?

Mysaly, osynyń aldynda Lıtvanyń Vılnús qalasynyń turǵyny, zerger Arvıdas Gýrávıchústi  quqyq qorǵaý qyzmetkerleri óz balkonyna Keńes odaǵy men keńestik Armenıanyń týlaryn ilip qoıǵany úshin tutqyndaǵan.

Lıtvada keńestik jáne nasıstik rámizderdi dáripteýge 2008 jyldan bastap tyıym salynǵan. KSRO týy, sondaı-aq oraq pen balǵa, qyzyl besburyshty juldyz sıaqty kezindegi keńestik sımvolıkalar Lıtvada zańmen qýdalanady. Tipti, keńestik basshylardyń portretterine de munda qatań tyıym salynǵan.

Sondaı-aq, Ýkraına memleketi de KSRO sımvoldaryn diripteýge, týyn, gımnin nemese basqa da belgilerin el terıtorıasynda qoldanýǵa zańmen tyıym salǵan. Latvıada da dál osyndaı zań kúshine engen. Mundaı áreket úshin 2,5 myń lat nemese 15 táýlikke qamaýǵa alynady. Bulardyń qataryna Venrıa, Estonıa, Polsha jáne Grýzıada da kiredi. Iaǵnı, bul elderde KSRO sımvoldaryna Konstıtýsıamen tyıym salynǵan.