Forbes jýrnalynyń reseılik redaksıasy Almaty mańyndaǵy tanymal Shymbulaq taý-shańǵy kýrortyn vızasyz baryp kóktemde demalýǵa bolatyn 10 taý-shańǵy kýrorttarynyń tizimine qosty, dep habarlady 

 . Tizim qysta taýlarda shańǵy teýip úlgermegender úshin jasalǵan. Forbes vızasyz kóktem boıy barýǵa bolatyn 10 kýrortty tańdady. Olardyń qatarynda Sahkadzor (Armenıa), Kopaonık (Serbıa), Kırovsk (Reseı), Sılıchı (Belorýs), Shymbulaq (Qazaqstan), Qarakól (Qyrǵyzstan), Kolashın (Chernogorıa), Dombaı (Reseı), Palandoken (Túrkıa), Býkovel (Ýkraına) bar. Jýrnalda Shymbulaqtyń shańǵy tebý maýsymy sáýir aıyna deıin jalǵasady delingen. Shymbulaq kýrorty túrli marshrýttarymen erekshelenedi. Onda shańǵy tebýdi endi úırenip kele jatqandarǵa arnalǵan kishigirim taýlar, ınstrýktorlary bar balalar parki, tájirıbeli shańǵy tebýshilerge arnalǵan uzyn trassalar, saıahatshylarǵa arnalǵan qyzyqty marshrýttar bar. Shymbulaqta snoýbordpen aınalysatyndarǵa da jaǵdaı jasalǵan. Eń uzyn trassanyń uzyndyǵy - 3,6 shaqyrymdy quraıdy. Túngi ýaqytta da shańǵy tebý qarastyrylǵan. Shańǵy tebýshiler taýdyń basyna arnaıy arqan-kreslo joldary jáne úlkender men balalarǵa arnalǵan túrli kótergish qurylǵylarmen kóterile alady