Halyqaralyq Qazaq quresi federasıasy ujymy qazaq kúresinen Eýropa chempıonatynyń «tumaryn» bekitti. Ol — gnom eskertkishi. Gnomnyń sımvol retinde tańdalýy kezdeısoq emes dep jazady Qamshy.kz aqparat agenttigi Halyqaralyq Qazaq quresi federasıasynyń baspasóz ortalyǵynyń deregin negizge alyp. 

Osyǵan deıin atap ótkendeı, qazaq kúresinen Eýropa chempıonaty Polshanyń Vroslav qalasynda ótedi. Bul qala óziniń erekshe arhıtektýrasy, qonaqjaılyǵymen ǵana emes, qala ishindegi kóptegen gnom eskertkishterimen erekshelenedi. Keıbir derekterde alǵashqy 40-santımetrlik gnom eskertkishi Vroslav qalasynda 2011 jyly salynǵan. Sodan beri qala ishinde túrli gnom eskertkishteri kóbeıe bastaǵan.

Búginde Vroslavtaǵy kóptegen uıymdar men fırmalar tarıhı jádiger retinde gnomdarǵa arnaıy tapsyrys berip, ony ornatýdy dástúrge aınaldyrǵan. Sáıkesinshe, gnomdar qazirgi tańda qalanyń týrısik brendine aınaldy. Tipti, gnomdar ornalasqan kóshelerge arnaıy kartalar jasalǵan.

Eger qazaq kúresinen Eýropa chempıonatynyń bıylǵy «tumaryna» nazar aýdarar bolsaq, bizdiń gnom qazaq kúresiniń arnaıy formasyn kıgen. Basqlardan ereksheligi de osy.

Aldaǵy Eýropa chempıonatynyń «tumary» búginde qazaq sporty tarıhynyń bir bóligine aınalyp úlgirdi. Sebebi, Halyqaralyq Qazaq quresi federasıasy – sport súıer qaýymdy ǵana emes, álem jáne Eýropa chempıonattaryn ótkizýge múddeli tulǵalardy biriktiretin Qazaqstandaǵy sporttyq birlestik.

Vroslav qalasynyń qonaqtary men turǵyndary gnom janynda estelik sýretke túsip qana qoımaı, óz arman-tilekterin tileýdi dástúrge aınaldyrǵan.  

Tumar-gnom palýandardyń rýhyn kóterip, jigerlendirip, sportshylarǵa sáttilik ákeletinine senemiz! 

Usynǵan: Ásel Bolatqyzy