Dáýren Abaev "Shyndyqtan qasha almaısyń" atty aksıa ótkizip, 15 kúnge qamalǵan belsendilerge qatysty pikir bildirdi dep jazady Qamshy.kz aqparat agenttigi. Bul týraly mınıstr "Habar" agenttigindegi "Ashyq áńgime" baǵdarlamasyna bergen suhbatynda aıtty. 

Atalmysh baǵdarlamanyń júrgizýshisi "Belsendilerge qoldanylǵan jaza olardyń jasaǵan quqyq buzýshylyǵyna laıyq pa?" degen suraq qoıdy. 

"Men is-materıaldarymen tanyspaǵandyqtan jáne laýazymdy qyzmettegi tulǵa retinde sot sheshimine qatysty eshteńe deı almaımyn. Alaıda saıası aksıaǵa qatysty azamattyq pikirimdi bildireıin. Kim ne dese de bul — saıası aksıa. Qaı jaǵynan alyp qarasaq ta saıası aksıaǵa kelip tur. Birinshiden, qoǵamdyq, ekinshiden, úndeý bar. Al úshinshiden bul saıası jaıtqa, naqtyraq aıtqanda saılaýǵa qatysty ótti. Árıne ádil saılaýǵa úndeý Qazaqstannyń eshbir zańnamasyna múldem qaıshy emes. Men azamattyq bastama retinde ótkizgen jastardyń bul áreketin qoldaımyn. Degenmen, İİM Erlan Turǵymbaev aıtqandaı, zań aıasynda ótýi qajet" , - deıdi Dáýren Abaev. 

Aýdarǵan: Ásel Bolatqyzy