Qazaqstannyń áskerı teńizshileri halyqaralyq armıalyq oıyndarǵa daıyndalýda

/image/2019/06/10/e98a6249.jpg

Qazaqstan Respýblıkasy Qarýly Kúshteri Áskerı-teńiz kúshteriniń «Mańǵystaý» kemesiniń ekıpajy tamyz aıynda Ázirbaıjan eliniń Kaspıı teńizi akvatorıasynda ótetin Halyqaralyq armıalyq oıyndarǵa daıyndalýda.

«Teńiz Kýbogi» saıysynda Qazaqstan Qarýly Kúshteriniń namysyn «Mańǵystaý» kemesi qorǵaıtyn bolady. Onyń quramyna 65 áskerı qyzmetshi kiredi. Olar saıystyń úsh túrine qatysatyn bolady, ol kemeniń maqsaty boıynsha qoldanylýy (artılerıalyq oqpen atys), kemeniń saqtalýy úshin kúres jáne teńiz mashyqtylyǵy men qutqarý jumystary saıysy.

Osy kúnderi, «Mańǵystaý» kemesiniń ekıpajy áýedegi, teńizdegi nysanalar boıynsha atys jattyǵýlaryn júrgizip, júzip júrgen mınalarǵa qarsy turý boıynsha daıyndyqtar júrgizýde. Árbir jattyǵý saıyn, jeke quram óz biliktiligi men úılesimdiligin arttyryp, tájirıbelerin arttyrýda.Mańǵystaý

Atalmysh saıysqa qatysýǵa Kaspıı mańy elderiniń sý syıymdylyǵy 1000 tonnadan aspaıtyn kishi kemeleriniń qatysýyna ruqsat etilgen. Shart boıynsha, olardyń artılerıalyq jáne atys qarýlarymen qosa, qutqarý sharalaryn oryndaý úshin kishi kólemdegi júzý quraldary (kater, shlúpka) bolýy tıisti. Bul Reseı Fedarsıasy, Iran Islam Respýblıkasy, Ázirbaıjan Respýblıkasy men Qazaqstan Respýblıkasy Qarýly Kúshteriniń kemelerine qatysýyna múmkindik beredi.Mańǵystaý

Esterine sala ketsek, «Teńiz Kýbogy-2019» (áskerı bıatlon) saıysy 2019 jylǵy Halyqaralyq armıalyq oıyndardyń baǵdarlamasyna engen jáne osy saıysqa Qazaqstan Qarýly Kúshteriniń Áskerı-teńiz kúshteri qatysatyn bolady.

 Mańǵystaý

Qatysty Maqalalar