Consolidated Contractors Company kompanıasynyń dırektory Samed Hýrı, Consolidated Contracting Engineering & Procurement S.A.L. Offshore (CSER) kompanıasynyń enshiles qurylymy, Nurlan Noǵaevpen kezdesýge óńirge keldi, dep habarlaıdy Atyraý oblysy ákiminiń baspasóz qyzmeti.

Kezdesýge 29 maýsymda Teńiz vahtalyq qalashyǵynda oryn alǵan oqıǵa sebep boldy. Atyraý oblysynyń ákimi qazir janjal rettelgenin, Teńiz jobasyndaǵy jumysshylardyń ómirleri men densaýlyqtaryna qaýip joq ekenin aıtty.

-TSHO men merdiger mekemelerdiń basshylaryna qyzmetkerlerdiń eńbek jaǵdaılaryn jaqsartý, eńbekaqylaryn esepteý men basshylyqta qazaqstandyq kadrlardy kóbeıtýge qatysty mindetter qoıdyq,-dedi Nurlan Noǵaev.

Samed Hýrı óz kezeginde ákimge janjaldy jedel retteýge kómekteskeni úshin alǵys aıtty jáne kompanıa tarapynan endi mundaı jaǵdaılardy boldyrmaý úshin barlyq sharalar jasalatynyna sendirdi. SSS tarapynan ákimdik qoıyp otyrǵan mindettemelerdi oryndaý sharalary qabyldanatynyn aıtty.