Elimizdiń din salasyndaǵy tarıhı mańyzy bar memorandýmǵa qol qoıyldy.  Astana qalasynda QR Din isteri komıteti, Qazaqstan musylmandary dinı basqarmasy jáne "Asyl arna" telestýdıasy arasynda yntymaqtastyq jóninde úsh jaqty memorandýmǵa qol qoıyldy. Atalmysh tarıhı qujattyqa Bas múftı Erjan qajy Malǵajyuly, QR Din isteri komıtetiniń tóraǵasy Ǵalym Shoıkın, "Asyl arna" telestýdıasynyń dırektory Muhamedjan Tazabekov QMDB-nyń májilis zalynda qol qoıdy.Memorandým ata dinimizdiń asyl qundylyqtaryn keńinen nasıhattaý, halyqqa durys dinı aqparat berý, zaıyrly qoǵam men dástúrli dinı qundylyqtar sabaqtastyǵyn arttyrý maqsatynda jasalyp otyr. Esterińizge sala keteıik, oǵan deıin dinı saladaǵy yntymaqtastyq memorandýyna QMDB men burynǵy din salasyndaǵy quziretti organ QR Din isteri agenttigi arasynda jasalǵan bolatyn. Osy joly memorandýmǵa "Asyl arna" telestýdıasy qatysyp otyr.