Kúni keshe ǵana QR Tuńǵysh Prezıdenti Nursultan Ábishuly mereıli 75 jasqa tolǵan bolatyn.  Ádettegideı Elbasy týǵan kúnin álem kóshbasshylary da nazardan tys qaldyrmaǵan. 6-shilde kúni Ispanıa Koroli VI Felıpe men Ispanıa Úkimetiniń tóraǵasy Marıano Rahoı Qazaqstan Prezıdenti Nursultan Nazarbaevty týǵan kúnimen quttyqtap, jedel hat joldasa, Túrkıanyń burynǵy Prezıdenti Abdýllah Gúl men Qyrǵyzstannyń Prezıdenti Almazbek Atambaev myrzalar arnaıy kelip, Elbasynyń qýanyshymen bólisken. Bul týraly Aqordanyń baspasóz qyzmeti habarlaıdy. Bul Prezıdenttiń atyna kelip túsken quttyqtaýdyń sońǵysy emes, árıne. Sonymen, Elbasyn mereı toıymen kimder quttyqtady? «Qamshy» portaly halyqaralyq quttyqtaýlardyń birqataryn nazarlaryńyzǵa usynady.

1. Sı Szınpın, QHR Tóraǵasy. Óziniń quttyqtaý hatynda QHR Tóraǵasy Qazaqstan men Qytaı arasyndaǵy yntymaqtastyqtyń ıntensıvti ári qarqyndy damýyn sóz etken. «Eki el arasyndaǵy baılanys sizdiń kóregen saıasatyńyzdyń jemisi dep bilemin. Sondaı-aq, sizdi Ýfa qalasynda ótetin SHYU samıtinde asyǵa kútemin»,-degen Sı Szınpın myrza.
2. Ilham Álıev, Ázirbaıjan Prezıdenti. Álıev myrza da eki eldiń arasyndaǵy yntymaqtastyqty, qarqyndy damý kezeńindegi qarym-qatynastyrdy tilge tıek ete kele, Prezıdent Nazarbaevty mereıli 75 jasymen quttyqtap, zor densaýlyq tilegen. «Álemde Qazaqstan dese, birinshi Sizdiń esimińiz aıtylady. Osy jyldar boıy sizdiń kóregen saıasatyńyz ben basshylyǵyńyzdyń arqasynda Qazaqstan halyqaralyq arenada joǵary bedelge ıe boldy. Qazaqstan men Ázirbaıjan arasyndaǵy baılanys artyp qana qoımsaı, ol jyl saıyn nyǵaıyp keledi. Osy joldaǵy sizdiń eńbegińiz ólsheýsiz. Bul sizdiń arqańyz. Meniń shynaıy quttyqtaýymdy qabyl alǵaısyz»,- degen Ilham Álıev.
3. Aleksandr Lýkashenko, Belorýsıa Prezıdenti. «Belorýsıada halyq Nazarbaevty álemdik deńgeıdegi talantty basshy, saıasatker retinde tanıdy. Sizdiń boıyńyzǵa daryǵan ómirlik energıańyzdyń arqasynda jyldan-jylǵa jaqsaryp otyrasyz. Siz jańashylsyz ári bastamashylsyz. Sizdi halqyńyz tarıhta atyńyzdy altyn árippen jazyp qaldyrady jáne qazaq halqy sizdi joǵary baǵalaıdy. Men aldaǵy ýaqyttarda da EEO pen Qazaqstan-Belorýsıa arasyndaǵy baılanys nyǵaıa túsedi dep senemin. Sizge jáne Qazaqstan halqyna jarqyn bolashaq, jańa jetistikter tileımin. Shyn júrekten quttyqtaýymdy qabyl alǵaısyz»,-depti óz quttyqtaýynda odaqtas eldiń basshysy.
4. Almazbek Atambaev, Qyrǵyzstan Prezıdenti. Alataý asyp kelgen qyrǵyz aǵaıyndardyń ókili, qarapaıym emes-aý, Prezıdenti Almazbek Atambaev myrza da qur kelmepti. Prezıdent Nazarbaevtyń dastarhanyna qurmetti qonaq retinde shaqyrylǵan soń, ol da qarap qalmady. Aqjarma tilegin tókti-aý kelip. «Sizdiń ómirlik fılosofıańyz, baı tájirbıeńiz jáne adamgershiligińiz sizdiń saıası arenadaǵy bedelińizdi arttyrady jáne Qazaqstannyń jarqyn bolashaǵynyń kepili bolmaq. Baýyrlas eldiń atynan, quttyqtaýymdy qabyl alyńyz. Siz bizge barlyq jaǵynan úlgi bolyp kelesiz»,-dedi Atambaev myrza Aqordada.
5. Emomalı Rahmon, Tájikstan Prezıdenti. «Sizdiń kópvektorly saıası ustanymyńyz sizdi álem halqy aldynda úlken bedelge jeteledi. Búginde sizdi búkil álem basshylary qurmetteıdi. Qazaqstannyń barlyq jetistikteri sizdiń esimińizben tikeleı baılanysty. Bizdiń Tájikstanda halyq sizdi ustanymyna berik, eki el arasyndaǵy yntymaqtastyqtan ózge baýyrlastyqty nyǵaıtýshy úlken saıasatker retinde tanıdy jáne qurmetteıdi. Quttyqtaýymdy qabyl alyńyz Prezıdent Myrza!».
6. Islam Karımov, Ózbekstan Prezıdenti. Qazaq kóshbasshysynyń týǵan kúnine jedel quttyqtaý hat joldaǵan Ózbekstan Prezıdenti Islam Karımov myrza, «Ózbekstandaǵy árbir adam, árbir azamat Qazaqstannyń ár jetistigine  qýanyp otyrady. Biz baýyrlas memlekettermiz. Sondyqtan, bizdiń árbir jetistigimiz ortaq. Iá, Qazaqstandy sizsiz elestetý múmkin emes te shyǵar.Men sizdiń ár sheshimińizdi jaqsy qabyldaımyn. Ári árqashan qoldaý bildiremin»,- degen.
7. Barak Obama, AQSH Prezıdenti. «Barlyq Amerıka qalqy atynan sizdi mereıli 75 jasyńyzben quttyqtaımyn. Osyndaı qýanyshty sátti, ózińizdiń otbasyńyzben, dostaryńyzdyń ortasynda jaqsy ótkizýińizge tilektespin. Men ózińizge asa qurmetpen, eki eldiń arasyndaǵy yntymaqtastyq qarym-qatynastar budan da artatynyna senimdimin»,-degen óziniń jedel quttyqtaý hatynda Obama.
8. Vladımır Pýtın, RF Prezıdenti. Al Pýtınniń Nursultan Nazarbaevqa quttyqtaý jedelhatynda Reseı prezıdenti Nursultan Nazarbaevtyń otandastarynyń shynaıy qurmetine bólengenin, sondaı-aq parasatty ári tájirıbeli saıasatker, óz eliniń naǵyz kóshbasshysy retinde joǵary halyqaralyq bedelge ıe ekenin atap ótken.

Pýtın sonymen birge, Qazaqstan tarıhyndaǵy áleýmettik, ekonomıkalyq jáne syrtqy saıası jetistikterge toly tutas bir kezeńniń N.Nazarbaevtyń esimimen baılanysty ekenin atap ótti. Pýtın Nursultan Nazarbaevtyń Reseı men Qazaqstan arasyndaǵy strategıalyq áriptestik pen odaqtastyqty nyǵaıtýǵa qosqan úlken úlesine de toqtalyp ótken.