Ótken aptada Súleımen Demırel atyndaǵy qazaq-túrik ýnıersıtetinde kelisti kezdesý ótti. «Qazaq fılologıasy jáne jýrnalısıka kafedrasynyń" shaqyrýymen barǵan Abai.kz ujymy bolashaq qalamgerlermen júzdesip, «ınternet jýrnalısıka» tóńireginde oı bólisti. Belgili jýrnalıs Esengúl Kápqyzy ustazadyq etetin ujymmen kezdesý «suraq-jaýap» túrinde órbidi. Ózderin mazalaǵan suraqtardy irikpeı bólisken shákirtter búgingi qazaq jýrnalısıkasyna beıjaı qaraı almaıtynyn ańǵartty. Ásirese dástúrli qazaq jýrnalısıkasy men jańa medıanyń toqaılasatyn tustaryna kelgende ártúrli talasty pikirler aıtyldy. Bul másele tóńireginde «Abaı» portalynyń bas redaktory Dáýren Qýat myrza qazirgi qazaqtildi saıttardyń qazaq baspasózinde qalyptasqan áýelgi dástúrdi saqtaı otyryp, jańa medıa talaptaryna jaýap berýge tyrsatyndyǵyn jetkizdi. Jýrnalıs Ómirjan Ábdihalyquly ınternet jýrnalısıkanyń mazmunyna toqtala kelip, «Abaı» portalynyń oqyrmandary negizinen ózindik kózqarasy qalyptasqan, zıaly, kez kelgen ulttyq máselege ún qatyp otyratyn azamattar ekendigin tilge tıek etti. Ǵalamtordyń shekaramen shektelmeıtindigin, sondyqtan qazaq ǵalamtory, ınternet jýrnalısıkasy álemdegi bar qazaqtyń basyn qosýǵa qyzmet jasaý kerektigin aıtqan jýrnalıs Bilál Qýanysh qazaq saıttaryndaǵy álipbı máselesine de nazar aýdardy. Aıta keterligi atalmysh ýnıversıtet «oqý orynyń qaısy dese, mynaý» deıtindeı óte eńseli, ásem bezendirilgen eken. Ásirese shákirtterdiń ózderin erkin sezinýi, bilim qumarlyǵy táýelsiz Qazaqstannyń bolashaq tizgin ustarlary biz degendi ańǵartqandaı. PS. Atalǵan oqý oryny stýdentterge eki tilde: qazaq jáne aǵylshyn tilinde dáris oqıdy eken. Bıylǵy oqý jylynda keıbir talapkerler men olardyń ata-analarynyń tarapynan «Dáris orys tilinde oqytylsyn» degen usynys bolǵan kórinedi. Olarǵa ýnıversıtet rektory Mýhammet Akdısh: «Oryssha oqyǵylaryń kelse, Reseıge baryńdar» dep jaýap beripti. Mine, azamat!