Astana qazirgi zamannyń eń ótkir syn-qaterlerin talqylaý alańdaryn usyna otyryp, saıası dıalogtyń astanasy retindegi mártebesin nyǵaıtýda.
Dúnıejúzilik ekonomıkalyq forýmnyń (WEF) Global Risks Report 2025 málimetteri boıynsha, qarýly qaqtyǵystar 2025 jyly álemdik turaqtylyqtyń basty qaýpi retinde tanyldy. WEF sarapshylary qazirgi kezeńdi qyrǵı qabaq soǵystan keıingi eń tereń bóliný dáýiri dep ataıdy – onyń erekshelikteri retteý ınstıtýttarynyń álsireýi jáne memleketter arasyndaǵy senimsizdiktiń artýy boldy. Bul faktorlar jetekshi derjavalardyń básekelestigimen jáne tıimdi deldaldyq platformalardyń bolmaýymen kúsheıtiledi.
Osyǵan oraı Qazaqstannyń bitimgershilik bastamalary erekshe mańyzǵa ıe: 2024-2025 jyldary respýblıka BUU, EQYU, IYU jáne SHYU ókilderin qosa alǵanda, joǵary deńgeıdegi 20-dan astam halyqaralyq delegasıalardy qabyldady. Bul bizdiń elimizdiń senimdi kelissóz júrgizýshi jáne syndarly deldal retindegi mártebesin rastaıdy, ol ınklúzıvti dıalog formattaryn usyna alady jáne jahandyq saıasattaǵy senimdi qalpyna keltirýge yqpal etedi.
Ósip kele jatqan halyqaralyq suranysqa jaýap beretin jańa alańdardyń biri ótkir syn-qaterlerdi talqylaý úshin beıtarap keńistikti, praktıkalyq usynystardy ázirleý úshin saraptamalyq ortany usynatyn Astana Think Tank Forum boldy. Bul bastama Qazaqstannyń seriktestikti damytýǵa úles qosatyn jaýapty jáne belsendi "orta derjava" retindegi ustanymyn nyǵaıtady.
Ótken jyly Astana halyqaralyq forýmynyń aıasynda QR Prezıdenti janyndaǵy Qazaqstandyq strategıalyq zertteýler ınstıtýty ótkizgen bul is-shara 22 elden 45 sarapshyny jınap, halyqaralyq kún tártibindegi ózekti máselelerdi talqylaý úshin bedeldi jahandyq saraptamalyq alań mártebesine ıe boldy.
15-16 qazanda Qazaqstan astanasynda ótetin Astana Think Tank Forum 2025 aıasynda bizdiń elimiz "orta derjavalar" iri geosaıası oıynshylar arasyndaǵy shıelenisti tómendetýde sheshýshi ról atqara alatyn deldaldyq úshin jahandyq platforma qurýdy usynýǵa daıyn.
Forýmǵa jetekshi derjavalardyń básekelestigi jaǵdaıyndaǵy kópjaqty yntymaqtastyqtyń keleshegi, qaýipsizdik arhıtektýrasynyń transformasıasy jáne ıadrolyq qarýsyzdaný men taratpaýdyń bolashaǵy, OA-nyń jańa geosaıası shyndyq kontekstinde ornalasýy, Aýǵanstan faktorynyń Ortalyq Azıa óńirine áseri sıaqty negizgi taqyryptar shyǵaryldy.
Sonymen qatar, is-sharaǵa qatysýshylar jahandyq naryqtardy bólshekteý dáýirinde ınvestısıalar tartýǵa, Eýrazıadaǵy saýda-kólik dálizderin damytýǵa, jasandy ıntellekt pen onymen baılanysty etıkalyq dılemlarǵa, klımattyq ózgerister men sý problemalarynyń demografıalyq prosester men kóshi-qonǵa áserine qatysty máselelerdi talqylaıdy.
