Abzal Núkenov Almaty qalasy ákiminiń orynbasary bolyp taǵaıyndaldy.

Ol ishki saıasat, mádenıet, sport, bilim, jastar saıasaty jáne din isteri salalaryna jetekshilik etedi.

Almaty qalasynyń ákimi Darhan Satybaldynyń ókimimen jáne QR Prezıdenti Ákimshiliginiń kelisimimen Abzal Núkenov Almaty qalasy ákiminiń orynbasary qyzmetine taǵaıyndaldy. Bul týraly qala ákimdiginiń baspasóz qyzmeti habarlady.

Jańa orynbasar ishki saıasat, mádenıet, sport, bilim, jastar saıasaty jáne din isteri baǵyttaryna jetekshilik etedi.

Abzal Núkenov 1978 jylǵy 21 shildede Jetisý oblysynda dúnıege kelgen. Ál-Farabı atyndaǵy Qazaq ulttyq ýnıversıtetin támamdaǵan, saıası ǵylymdar kandıdaty.

Eńbek jolyn 2000 jyly bastaǵan. Buǵan deıin Almaty qalasy İshki saıasat departamentinde, Áýezov aýdany ákiminiń apparatynda, sondaı-aq Qaýipsizdik Keńesiniń Sıtýasıalyq ortalyǵynda qyzmet atqarǵan. Keıin Din isteri jáne azamattyq qoǵam vıse-mınıstri, Qaraǵandy oblysy ákiminiń orynbasary, Prezıdent Ákimshiliginde basshylyq qyzmetterde bolǵan.

Sońǵy taǵaıyndaýǵa deıin Abzal Núkenov QR Prezıdenti Ákimshiliginiń İshki saıasat bólimin basqarǵan.