19 jáne 21 jeltoqsan aralyǵynda Armenıa Taýly Qarabaqtaǵy 44 kúndik soǵys kezinde qaza tapqan sarbazdaryn aza tutatyn bolady. Bul týraly dw.com saıty málimdedi.
Erevan jurtshylyǵy búgingi aza tutý sherýinde qoldaryna shyraq pen gúl ustaǵan kúıi "Erablýr" áskerı zıratyna deıin júrip ótti. Dybys kúsheıtkishpen qaza tapqan adamdardyń aty-jóni ataldy.
27 qyrkúıekte bastalǵan alty aptalyq soǵysta úsh myńǵa jýyq armándyq sarbaz mert bolǵan.
10 qarasha kúni Taýly Qarabaqta áskerı áreketterdi toqtatý týraly sheshim qabyldanǵan. Armenıa, Ázerbaıjan jáne Reseı arasynda bolǵan kelisim boıynsha, Lachın, Agdam, Kelbadjar aýdandary Ázerbaıjanǵa qaıtarylyp, basqynshy ásker aımaqtan shyǵaryldy.
Pikir qaldyrý