Memleket basshysy Qasym-Jomart Toqaev birqatar oblys ákimderimen keńes ótkizdi, dep habarlady Aqorda saıty.

Saıt málimetinshe, Toqaev Aqorda rezıdensıasynda Nur-Sultan, Almaty, Shymkent qalalarynyń jáne oblystardyń ákimderimen keńes ótkizdi.

Jıynda óńirlerdiń áleýmettik-ekonomıkalyq damý jáne memlekettik baǵdarlamalardyń oryndalýyna baılanysty máseleler talqylandy.

"Prezıdent buǵan deıin berilgen tapsyrmalardyń atqarylýy jaıyndaǵy ákimderdiń esebin tyńdady. Qasym-Jomart Toqaev oblystardyń jáne respýblıkalyq mańyzy bar qalalardyń basshylaryna pandemıa jaǵdaıynda halyqtyń qajettiligin qamtamasyz etý mańyzdy ekenin atap ótti.

Jıyn sońynda memleket basshysy ákimderge aımaqtardy damytýdyń, halyqtyń turmysyn jaqsartýdyń ózekti máselelerin shuǵyl sheshý, sondaı-aq, jumyspen qamtý jol kartasyn tıisti deńgeıde júzege asyrý jóninde birqatar naqty tapsyrma berdi" delingen habarlamada.