Sońǵy devalvasıadan keıin Qazaqstanda azyq-túlik baǵasy qadaǵalaýǵa kóner emes. Importtalatyn taýarlardy qospaǵanda, otandyq óndirýshilerdiń ózi ónim aqysyn 20 paıyzǵa eseletip jibergen. Bul týraly «Qamshy» portaly KTK arnasy men nur.kz-ke silteme jasaı otyryp habarlaıdy.
Máselen, eń kóp tutynatyn azyq túrleri: un, suıyq maı, et, qant jáne sút baǵasy sońǵy úsh apta ishinde 30 teńgege deıin kóterilgen.
Dollar baǵamynyń ósýi - Qazaqstandaǵy qymbatshylyqty týdyrǵan. Biraq bul jolǵy ósimniń sozylmaly bolatyn túri bar degendi QR Úkimet basshylary birneshe márte qaıtalaǵan. Osydan keıin-aq, shyǵynǵa batpaýdyń jolymen kásipkerler de taýar baǵalaryn ósirip jibergen. Mysaly, et – 12 %-ǵa, suıyq maı – 10%, un – 5 %, sút – 20 %, qant – 18 %, kókónis – 7-30 %-dy kórsetip tur.
Bir qap shekerdiń burynǵy baǵasy – 3 500 teńge bolsa, qazir – 4 400 teńgege qymbattatyp jibergen. Al , 6 paıyzdyq sút 230 teńge bolsa, qazir 320 teńge.
Óspegen ázirge tek jalaqy ǵana. Sondyqtan jurttyń narazylyǵy oryndy.
Qymbattaǵandardyń qatarynda qurylys taýarlary da bar. Máselen, Eýropa men Qytaıdan keletin túsqaǵazdan bastap, temir shatyrlardyń baǵasy da shamamen 40 paıyzǵa ósken. 15 kún buryn qutysy 1500 teńge turǵan boıaýlar qazir bazarda 2 myńnan satylýda. Shymkentte úı qurylysyn bastaǵandar jarty jolda eriksiz jumysyn doǵarýǵa májbúr.
Baǵanyń ósýi- budan bólek komýnaldyq qyzmet aqysyna da qatysty. Budan bylaı ystyq sý men sýyq sý, jylý jáne kógildir otynnyń tarıfi eselene túspek. Árıne, ósim kıim-keshek saýdasynda da bar. Al erkin aınalymda júrgen dollardyń bizdiń valútaǵa shaqqandaǵy qunynyń búgingi kórsetkishi- 239 teńge shamasynda.
