Belgili aıtysker aqyn Rınat Zaıytov depýtat bolatynyna ýáde berse, qandaıda bir partıa quramyna kiretinin málimdedi. Bul týraly ol jýrnalıs Nartaı Aralbaıulynyń ıýtýb kanalyna bergen suhbatynda aıtty. 

– Partıa quratyn múmkinshiligim bolsa, daıynmyn dep ótkende aıttym. Qazir múmkinshiligim joq. Eki aralyqta bos júrmeý kerek, bazardyń áıelderi sıaqty otyryp alyp aıǵaılaı bermeı eńbek etý kerek. Sol eki aralyqta qyzmette otyrmyn. Bizdiń qoǵam demokratıalyq qoǵam bolýy kerek. Men ony áli de aıta beremin.

Partıa – halyqtyń sózin sóılep, parlamentke barý úshin saıası reformalarǵa ózgeris engizý úshin qurylady. Bizdegi 6 partıadan quramyna shaqyrǵandar boldy. Biraq meniń talabym – olar meni partıa quramynan kórgileri kelse, onda depýtat qylýy qajet. Sonda men baramyn. Óıtkeni parlamentke eldiń sózin sóıleý úshin barýym kerek, – dep aıtty aıtysker aqyn.