Almatyda JOO rektorlarymen kezdesý barysynda sybaılas jemqorlyq quqyq buzýshylyqtardyń aldyn alýdy kúsheıtý sharalary talqylandy

Búgin QR Sybaılas jemqorlyqqa qarsy is-qımyl agenttiginiń Almaty qalasy boıynsha departamentiniń basshysy Murat Ahmetovtiń tóraǵalyǵymen jáne qala ákiminiń orynbasary Erjan Babaqumarovtyń qatysýymen bilim berý salasyndaǵy sybaılas jemqorlyq quqyq buzýshylyqtardyń aldyn alýdy kúsheıtý máseleleri boıynsha JOO rektorlarymen kezdesý ótti.
İs-shara barysynda joǵary oqý oryndarynyń qyzmetine qatysty ózekti máseleler talqylandy. Sybaılas jemqorlyq táýekelderine ishki taldaý júrgizý, memlekettik satyp alýlarǵa taldaý júrgizý, Almaty JOO júıesine komplaens qyzmetin engizý jáne sybaılas jemqorlyqqa qarsy mádenıetti qalyptastyrý tetikteri men qorytyndylary qaraldy.
Almaty qalasy ákiminiń orynbasary Erjan Babaqumarov ákimdik sybaılas jemqorlyqqa qarsy is-qımyl departamentimen jáne «Adaldyq Alańy» ofısimen birlesip negizgi baǵyttar boıynsha jumys júrgizgenin atap ótti. Bul turmystyq sybaılas jemqorlyqty joıý jáne azamattar úshin qolaıly jaǵdaı jasaý; qoǵamdyq baqylaýdy júzege asyrý; sybaılas jemqorlyqqa qarsy mádenıetti qalyptastyrý. Bilim berý salasynda mektepterde aqsha jınaý men ınternet býllıngke jol bermeý sharalary erekshe baqylaýǵa alyndy.
«Adal kómek» jobasy aıasynda jyl basynan beri megapolıs turǵyndaryna quqyqtyq saýattylyq deńgeıin arttyrý maqsatynda 300-den astam keńes berildi. Medeý aýdany ákimdiginiń servıs ortalyǵynda qosymsha «Adal kómek» ortalyǵy ashyldy.
Sonymen qatar, Almaty qalasynyń sybaılas jemqorlyqqa qarsy qyzmeti joǵary oqý oryndarynyń qurylymdyq qaıta qurylýyna jáne komersıalyq emes aksıonerlik qoǵamǵa kóshýine baılanysty memlekettik múlikke túgendeý júrgizýdi usyndy.
Kezdesý barysynda «Sanaly urpaq» respýblıkalyq jobalyq keńsesiniń jetekshisi Qaıyrjan Tokýshevtiń 2020 jyldyń qazan aıynan bastap bilim berý salasynda sybaılas jemqorlyqqa jol bermeý maqsatynda júzege asyrylyp jatqan «Sanaly urpaq» jobasy aıasynda sybaılas jemqorlyqqa qarsy is-qımyl jónindegi keshendi jospardy oryndaý jónindegi aqparaty tyńdaldy.
JOO rektorlary óz kezeginde óz pikirlerin bildirdi, sondaı-aq sybaılas jemqorlyq quqyq buzýshylyqtardyń aldyn alý boıynsha jańa tásilderdi qoldady.