Qazaqstanda "jeke tulǵalardyń bankrottyǵy" týraly zań kúshine engeli beri 49 myńnan astam ótinish kelip túsken. Alaıda túsken ótinishterdiń  6 myńy ǵana qarastyryla bastaǵan. Al 65 paıyzdan astamy keri qaıtarylǵan. 

"Eki aı aralyǵynda 50 myńǵa jýyq ótinish túsýi – jaqsy kórsetkish jáne qarjylaı ahýaldy jaqsartýdyń jańa múmkindigi... 6 myń ótinishti qarastyryp jatyrmyz jáne jarty jyl ishinde olar bankrot bolyp tanylady" – dedi Erjan Birjanov senat ǵımaratynda.

32 myń ótinish keri qaıtarylǵan. Oǵan qaryz kólemi men ótinish berýshiniń birneshe nesıesiniń bolýy sebep bolǵan. Zań boıynsha bankrottyqqa ótinish berýshiniń qaryzy 5,5 mln teńgeden aspaýy kerek. Azattyq radıosynyń habarlaýynsha, Birtanov bankrottyqqa ótinish bergenderdiń keıbiri ıpotekalyq nesıesin jabýdy toqtatpaǵanyn da aıtqan. Zańǵa sáıkes ótinishi keri qaıtarylǵandar úsh aıdan keıin qaıta ótinish túsire alady. 

"Kóp ótinish berýshiniń múlikteri, jer telimderi, kólikteri bar, bul sottan tys qaralatyn bankrottyqqa qatysty. Ótinishterdiń 70 paıyzy keri qaıtaryldy, biraq bul qalypty praktıka, sebebi biz ózge elderdiń tájirıbesin qaradyq" dedi Birjanov. 

Eske sala keteıik, 3 naýryzdan bastap Qazaqstanda "jeke tulǵalardyń bankrottyǵy" týraly zań kúshine engen bolatyn. Birinshi nesıe búrosynyń málimetinshe, 2023 jyly 1 qańtarda kepildiksiz tutyný nesıe porteli 7,4 trln teńgege jetip, bir jylda 28,3 prosentke ulǵaıǵan.