Abaı oblysyndaǵy órt tútini Jetisý oblysynyń Alakól, Aqsý, Kóksý, Qaratal aýdandary men Taldyqorǵan qalasyna jetken. Bul jaıynda Jetisý oblysynyń tótenshe jaǵdaılar departamentiniń baspasóz qyzmeti málimdedi.

25 mamyrda orman órtine baılanysty Abaı oblysynyń da Borodýlıha aýdanynda tótenshe jaǵdaı jarıalanǵan.Tótenshe jaǵdaılar mınıstrliginiń málimetinshe, 24 mamyr kúni keshke órt aýmaǵy 3,5 myń gektar bolǵan.

Órt Reseı aýmaǵynan 22 mamyrda shyqqan. Qazaqstan shekarasyna jaqyn Reseıdiń Novenkoe aýylynda shóp órtengen. Keıin órt Qazaqstannyń Abaı oblysyndaǵy "Semeı ormany" rezervatyna jaıylǵan.

24 mamyrda tańerteń qutqarýshylar Abaı oblysyndaǵy eldi mekenderge tóngen qaýip seıilgenin habarlaǵan edi.

9 maýsymda jergilikti ákimdik Abaı oblysy Borodýlıha aýdanynda órt kúsheıip, úsh ormanshy qaza bolǵanyn habarlaǵan. "Semeı ormany" memlekettik tabıǵı orman rezervaty aýmaǵyndaǵy órtke baılanysty Semeı qalasynda tótenshe jaǵdaı engizilgen.

9 maýsym túste órt aýmaǵy bastapqyda 30 myń gektarǵa jetkeni, keıin 60 myń gektarǵa jetkeni týraly aqparat taraǵan.

Derekkóz: Azattyq radıosy